屯門田景邨高層戶150萬有找 綠表客無懼黑雨去睇樓添誠意獲業主減價｜二手成交
祥益地產高級分行經理黃文樂表示，屯門田景邨區內設施發展成熟，居住環境恬靜，加上樓價相宜，故受到不少準用家青睞。最新錄得田景邨一宗未補地價買賣個案，單位為11座高層11室，實用面積約376方呎，兩房間隔。
據了解，新買家為區內綠表客，有睇樓經驗，熟悉該屋苑的單位間隔，而且目標明確，奈何一直未遇上心儀單位，直至得知近日有新放盤，間隔相當符合心水，遂特意請假睇樓，卻不巧遇上黑雨天氣，為免錯失機會要付上時間成本，因此無懼惡劣天氣冒雨前往視察。
黃文樂指，新買家鍾情單位屬高層開揚戶，內附企理裝修，故有意入市。原業主考慮到新買家誠意十足，雙方即時議價，最終單位減價13.2萬元，以146.8萬元(未補地價)成交，呎價約3,904元。原業主在2000年以約11.8萬元(未補地價)購入單位，持貨約25年，現轉售帳面升值135萬元或約11.4倍。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
