網上熱話｜網民勁彈屯門區！生仔「輸在起跑線」 返工又塞車遲到 靚景都冇用？
最近網民在Threads發帖力數屯門區「缺點」，包括表示住在該區不要生小孩，因為會「輸在起跑線」，又直言「學習能力差過九龍區、港島區」，而打工仔又會因為塞車而遲到，坦言「日日有風景睇，咁又點，冇效率，日日做乜啲無聊通勤」。
帖文一直引來不少網民留言，對帖主的說法反應兩極。當中不乏認同屯門區的塞車問題，「真的認同，住在屯門每天都要跟塞車搏鬥，輸在起跑線一點都不是玩笑。屯門人的通勤血淚史，你們試過最誇張塞多久？」、「搭車時間夠睇多人地幾本書。」
然而，有網民則表示屯門「好住」，更表示區內有不少名校，顯然反駁帖主的說法。「雖然我都唔鍾意搭咁耐車，但住屯門真係好爽」、「屯門人 中一億我都係會住屯門」、「我住屯門，畢業買樓都住屯門，好滿意生活」、「屯門幾好住，拍塞車咪搭西鐵」、「我一出九龍翻工鼻敏感就發作，成日流鼻涕」、「我有朋友住屯門，我唔敢佢開唔開心，但幾個朋友間屋嚟講，佢最四正，七八條友去聚會都唔算太迫」、「屯門band 1好多wooo」；亦有網民直指應該英雄莫問出處，「咩區都有叻人，唔可以用區份去區分人嘅學習能力」。
帖主被揭曾連番發文「彈屯門」
至於有網民更翻查帖主以前的發文紀錄，發現帖主一直「彈屯門」，包括「屯門係睡城，唔係搵錢嘅地方，而係瞓覺嘅地方」、「住在屯門，真係XX大獲，成日塞車遲到，來生不做屯門人」、「屯門公路塞X完未啊」等。
港鐵屯門南延綫目標2030年竣工
港鐵(066)早前表示，正在興建的屯門南延綫項目，已進入屯門河上鐵路高架橋地基及橋墩建造階段，為建造橋身結構提供穩固基礎。屯門南延綫是港鐵公司推展的新一輪鐵路項目之一，項目將屯馬綫由屯門站以高架橋向南延伸約2.4公里，並興建兩個新車站，包括設於第16區的中途站，以及位於屯門客運碼頭附近的屯門南新終點站，目標於2030年竣工；相信可緩解屯門區的交通擠塞問題。
