MIRROR 貼聖誕相，閉上眼睛互擁曬兄弟情。
MIRROR「人氣王」姜濤因腳傷近日缺席所有公開活動，雖然12子未能齊腳，但昨日趁住平安夜（24日）MIRROR的官方Ig便大派福利上載了「鏡仔」齊人的聖誕靚仔相，相中所見12子閉上眼睛，互相攬實，盡顯兄弟情，並引用MIRROR歌曲《12》的歌詞寫道：「大家好，MIRROR CHRISTMAS！全年由一到十二，祈求能一再實現，最美的遇見。我哋為MIRO（鏡粉暱稱）準備咗少少聖誕禮物，你哋睇咗未呀？未嘅可以登入官方歌迷會網站嘅『多媒體區』，就會睇到我哋今年聖誕系列嘅新相～」鏡粉都紛紛表示這是最好的聖誕禮物。
另外，MIRROR今年派的第3首團歌《We All Are》上榜短短10星期，昨日（24日)平安夜商台903專業推介公布《We All Are》由上周第15位連升14級，登上今周冠軍位置，同時亦是MIRROR首支四台冠軍歌（商台﹑港台﹑新城及ViuTV），可喜可賀。
《We All Are》成首支四台冠軍歌。