Ad Block Ad Block
娛樂
2023-03-13 22:30:00

《中年好聲音》︱吉吉搞到肥媽哭咗 支嚳儀繼續高水準演出

分享:
HK ENT

吉吉獻唱《留給這世上我最愛的人》送俾亡父同太太。

《中年好聲音》昨晚播出第15集,主題是故事之歌「十強戰!首回合生死鬥!」大熱的支嚳儀(Venus)、周吉佩(吉吉)獲得最高分82分,至於僅獲得70分的梁浩銓則被淘汰。

 

吉吉太太曾反對參賽

昨晚最大洋蔥位,是獻唱《留給這世上我最愛的人》的吉吉。他與太太黃彥欣一同接受製作組訪問,曾出道做歌手的他,音樂路上一直浮浮沉沉,在人生最落泊時認識了太太,他說:「當時係佢執番起我,冇佢撐住,我唔知會點。」而吉吉今次參加《中年好聲音》原來是先斬後奏,黃彥欣說:「曾經反對過佢參加比賽,仲鬧咗好大場交,當時係焗住要接受,但佢同我講:『唔使擔心,我唔同以前,依家長大咗,係一個好老公好爸爸,我會有承擔。』到咗依家呢一刻,我仲緊張過佢。」最後吉吉發表愛的宣言:「我承諾過照顧你一生一世,所以我一定會照顧到你離開一刻。」

HK ENT

肥媽感動到哭咗,仲不停啜泣講唔到評語,淒涼。

Eric Kwok:識你咁耐最好一次

吉吉在台上透露《留給這世上我最愛的人》是送給亡父和太太,單親家庭長大的他哭着說:「後悔冇請過爸爸飲一餐茶……好多謝佢教識我要樂觀做人。」之後他再感謝太太:「我做歌手時好失敗,但佢冇嫌棄我又窮又冇出色,就算連份工都冇埋,佢都係好支持我,多謝太太呢十幾年對我不離不棄。」吉吉真摯的演出,為他贏得82分,肥媽感動得「講不出聲」:「唱得好好,好Feel到個感情,唔講喇……」Eric Kwok則說:「你今日嘅表演係我識你咁耐最好嘅一次。」

HK ENT

Venus獻唱《If I Ain’t Got You》,大晒唱功。

Venus歌聲張佳添大讚 Eric Kwok feel唔到

與媽媽一同接受製作組訪問的Venus,原來年輕時曾經反叛過,她說:「反叛期都有試過離家出走,搞到媽咪好傷心,諗番起都好對唔住媽咪。」之後Venus公開感謝媽媽:「如果唔係有媽咪,今日就唔會有支嚳儀,媽咪用咗大半世嚟照顧我,媽咪你下半世交俾我!」語畢兩母女擁作一團,好不溫馨。

Venus獻唱《If I Ain’t Got You》送給媽媽,雖然獲得82分,但評審的意見卻出現兩極,張佳添說:「一個成功嘅藝人,要俾人認識到你係邊個,你係有自己影子喺首歌入面,你冇去學任何人唱,我聽到嘅係支嚳儀。」Eric Kwok則說:「完全係feel唔到你係唱俾你阿媽聽,反而覺得你係想講『我要叻俾你睇一次』,呢隻歌啲技巧太犀利,你個CPU係應付緊技巧上嘅嘢,你想同媽咪講嘅嘢我係connect唔到。」

HK ENT

雖然Venus奪得82分,但評審的評語出現兩極,明顯Eric Kwok唔識貨。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受