「御用工人」梁愛罹患胰臟癌體重不足70磅 拒化療豁達面對︰死得快好世界
現年87歲嘅資深演員梁愛，加入娛圈後參演過多部粵語長片及影視作品，憑《他來自江湖》飾演馬姐深入民心，早前佢與導演老公左幾移居加拿大，歷盡喪夫及喪子之痛後回流香港，過着獨居退休生活。日前好友楊紹鴻出PO透露梁愛已入住老人院，並上載探訪合照，及為佢打氣。
喪夫喪子後回流 現入住老人院
合照所見，滿頭銀髮的梁愛雖然身形消瘦，不過睇落好精靈及精神狀態好好。而楊紹鴻亦寫道：「愛姐入住老人院，幾位大家都相識幾十年嘅同事齊齊去探佢！愛姐繼續加油！#梁愛」
日前佢與契女、楊紹鴻及黃淑儀等人前往一間佛堂拜會泰國金龍王，期間被金龍王一語道破，指佢冇父母庇蔭及12歲要出嚟做嘢。另外，金龍王仲預言會可以活過百歲，不過梁愛就好激動話祝佢長命百歲就係同佢過唔去，佢只係希望香港社會越嚟越好，至於她的願望就係死得快好世界。
「唔係人人都可以活到87歲」
梁愛罹患胰臟癌大半年，豁達地表示80歲已經賺夠，拒絕電療及化療，選擇與癌共生，並話有咩好擔心，唔係人人都可以活到87歲。佢更話現時只係對腳唔夠力，令佢行得唔好之外，其他都可以。不過癌細胞食晒營養。而家佢除需要定期去醫院覆診，佢仲有中醫調理，只要唔痛就OK，要與癌症和平共處。梁愛表示自患癌後體重急降，現時佢嘅體重不足70磅，但佢胃口依然唔錯，咸甜嘢照食，仲話個癌症慫恿佢食時，佢就會回應︰「你好我好」。
至於會唔會透過拍戲尋求精神寄託，梁愛就即係笑拒，並話自己嘅時間都唔夠時間用，平日忙於斟茶灌水。之後佢再話孫兒關心佢嘅病情，想佢好好治療，不過佢我會好辛苦。佢再話自己本身心臟出問題，曾三度昏厥跌倒送醫，豁達話活到咁長都OK，做人咁貪心做咩。
原文刊登於 Yahoo 娛樂圈
ADVERTISEMENT
請你睇尋秦記👇原班人馬重現大銀幕🤩
