【新劇趕拍中】長澤正美2度低溫出外景

富士電視台嘅黃金時段「月9」劇愈播愈差，除咗橋段差收視更差，連續幾季嘅「月9」劇平均收視差不多都係單位數，死得! 30歲女星長澤正美上年接拍富士台喺今年4月播出嘅「月9」劇《Confidence Man JP》，上年11月開始拍攝，預計3月完成。雜誌《女性自身》記者喺2月1日早上7點30分於千葉縣發現長澤為新劇趕工。當日氣溫只得2度，雖然長澤穿上羽絨褸，不過內裡只穿及膝運動褲，其實都幾凍下。

據工作人員表示 : 「劇集較多外景，加上低溫，所以好多劇組人員患病，幸好長澤身體好，沒甚麼病痛，佢仲教劇組人員點去保持健康。」富士台對《Confidence Man JP》寄予厚望，希望每集也有10%以上收視。Confidence Man JP講述長澤、東出昌大與小日向文世嘅「老千三人組」，專與不法富商鬥法嘅故事。