張彥博開騷找來「跳躍F4」3位好兄弟何廣沛、羅天宇及郭子豪幫忙，事後他表示會請他們食威靈頓牛找數，但羅天宇仍未覆實時間，所以未定找數日子。
今日阿博在IG上載「跳躍F4」合照，表示「數已找」。他說︰「你地班奄尖挑食怪，搵到隻牛招呼你哋喇~收住貨先啦~ 說好的威靈頓牛is good，明年繼續~加油！」看來阿博已經計劃好明年再開騷。
阿博事前講過跳躍三子對食頗有要求，若不好吃絕不收貨，那麼他們又如何評價呢？郭子豪說︰「有冇人知我地等阿博 哩餐等左幾耐？喺下面留comment。Comment有創意又比抽中朋友，下次請你上台同我地唱！Good restaurant btw」一句好餐廳，就知他們滿意這次找數。不過，何廣沛就認為阿博好識計數，他說︰「等左成年，終於找數。」兼hashtag「一餐找兩次數」、「點計都似蝕咗」。
