剛完成的演唱會的張彥博，前日與林穎彤 (Bella)等錄影節目《娛樂大家》。他表示因開騷前要節食和操練，所以完騷後「昏迷」了兩日，叉夠電才回復精神。 他說：「真係好累！演唱會之前都冇食嘢，出PO都等咗兩日，因為瞓咗兩日，其實慶功都食了兩次火鍋，不過之後又要到外地拍新劇，可能要騷肌，要keep住身形。」他曾承諾請擔任演唱會嘉賓的「跳躍F4」食飯，現只等羅天宇回覆時間。他說︰「準備請佢哋食威靈頓牛，佢哋好奄尖，有要求，要有誠意先收貨。」
壽星女Bella生日照開工，獲吳若希、何雁詩及譚嘉儀等送上素蛋糕為她慶祝。Bella笑說︰「我接受唔到，27歲真係變女人喇，啱啱公司通知我攞服務10年金牌，真係好驚！」問到男友伍富橋如何和她慶祝，Bella說：「全日都要開工，男友暫未有表示，亦未收到禮物，不過都有送上祝福。」她坦言一日未結婚都想保持低調。
Bella希望新一年工作順利。