陳少霞今日獲倪詩蓓、葉文輝邀請，到電台作訪問嘉賓。陳少霞感恩自己曾經在電視劇《笑傲江湖》中飾演「小師妹」一角，為觀眾留下深刻印象。她指當時自己第一次拍攝古裝劇，當中遇到不同的挑戰，曾經因為自己的情況令到劇組人員「遲收工」，她在節目中不斷感激遇上他在古裝劇中的伯樂《笑傲江湖》監製李添勝，陳少霞說︰「當時李監製每一次喺開拍之前，都會叫我早半個鐘到片場，同我一齊睇重播再指點一下一啲關於古裝嘅細節位，同埋感情轉變嘅技巧，令到我喺演戲方面有大大嘅進步。」
陳少霞回顧自己入行的經歷，是機緣巧合的情況下，遇上一次試鏡的活動，所以進入了娛樂圈。陳少霞星途看似順利，但她自認年少輕狂，曾經做了一些錯誤的決定，影響到身邊合作的夥伴，因此特別在節目中向劉德華道歉︰「當年同劉德華一齊拍《天與地》，我哋準備出席宣傳活動時，身邊某啲唔係咁好嘅朋友，帶我去時裝店，買咗啲比較性感同埋暴露嘅衫去宣傳活動，收到大眾不滿嘅迴響，覺得我破壞咗自己本身清純嘅形象。除咗影響到本身接咗嘅工作要取消嘅後果外，亦都影響到當時應該要繼續嘅宣傳活動，不過我當時真係冇一個好好嘅判斷力，我真係好想向劉德華再次道歉。」
息影多年的陳少霞，被問到會否重新考慮接拍劇集或者電影，她表示，如果是一些客串的角色也會考慮，但希望把時間花在家庭，及自己的海味生意上。