「金牌媒人」Bob 自爆嚇怕所有醫生老婆，預告下一目標為TVB女神。
有「金牌媒人」之稱的林盛斌(Bob) ，先後成功撮合圈中多對良緣，當中包括朱慧敏與心臟科名醫陳良貴、張秀文與金融才俊王大權、玄學家陳定幫與太太楊錳霏等，最近新鮮滾熱辣就有視后胡定欣和醫生老公陳健華。日前，Bob在社交網就分享一張醫生手戴婚戒的照片，並搞笑自爆：「嗰啲醫生嘅老婆都好驚我」他更預告正為女神高海寧覓對象。
女藝人爭相報名
Bob 在社交網分享了一段與醫生的爆笑對話：「今日拍YouTube醫學頻道Dr Bob，遇到一個幾靚仔心臟科醫生。我：醫生，你係咪單身㗎？ (佢：Errr......我結咗婚啦。) 我：咁冇嘢嘞。 (佢：我老婆叫我今日一定要戴返隻結婚戒指，因為佢知道我今日會見到你。) 我：關咩事呢？ (佢：佢好驚你會介紹女仔俾我識。) 呢個對話真係好癲。」
帖文一出，引起不少圈中人留言，胡杏兒笑言：「你快啲開間公司啦，好多人需要你幫手。」Bob則謂：「你會唔會入股先？」胡杏兒再回覆：「可以喎﹗」湯洛雯亦即為妹妹湯樂瑤報名：「Hi﹗我細妹都單身，麻煩晒。」Bob笑言：「如果要搵個好似你老公（馬國明）嗰啲咁，就有啲難度㗎喎。」至於單身多年高海寧就以3個笑到喊emoji留言，Bob即回覆指：「處理緊㗎啦。」江嘉敏亦寫道：「呢個好笑。」Bob笑謂：「嗰啲醫生嘅老婆都好驚我。
ADVERTISEMENT
