離巢無綫 ｜林希靈孖黃愷怡「過檔」開電視 首度主持抗疫節目

有「正義女神」之稱的林希靈和黃愷怡早前宣布離巢無綫，並齊齊「跳槽」過香港開電視。日前二人加盟直播節目《全城抗疫講呢啲》擔任主持，為觀眾提供抗疫資訊；首次為香港開電視節目擔任主持，二人對此表示興奮，當中Agnes表示今趟主持節目獲益良多之外。

感慨疫情影響生活

二人到香港開電視再聚頭，林希靈笑指：「沒想到，因為之前喺舊東家由兒童節目就合作，一離巢第一個節目就再度合作。」問到疫情下生活可受影響，林希靈毫不諱言表示：「屋企附近超巿都冇晒嘢，其實呢幾日朝早，我都奉阿媽之命揸車去買嘢，不過都淨係買到罐頭。」至於黃愷怡亦慨歎生活改變了不少：「見少咗屋企人，我哋平時接觸人多，我怕經常返屋企嘅話，會增加感染風險，始終父母唔年輕。」林希靈補充，疫情影響最多的是心情：「我有打針，即使確診，我們呢種年紀唔會太嚴重，但怕感染到朋友、同事，怕連累其他人令我有啲心理壓力。」

此外，二人首次同李臻合作，林希靈對於能跟新聞王子李臻拍檔特別興奮，她說：「從前喺電視見到佢，都不覺得佢咁高大、俊俏、帥氣。」