Ad Block Ad Block
娛樂
2023-01-06 10:00:00

2022香港票房十大 《明日戰記》成港產片王 《阿凡達︰水之道》18日收近億成亞軍

分享:

(圖片來源:《明日戰記》電影劇照)

飯戲攻心

 

雖然2022年戲院有一段時間因為疫情而關門,但下半年電影市道出現V型反彈,港片更加盡領風騷。香港票房有限公司公布全年票房十大,港產片方面《明日戰記》力壓後勁凌厲嘅《飯戲攻心》以8178萬成為2022港片票房之王,而《飯》就以7707萬位列第2。

阿媽有咗第二個

阿媽有咗第二個

大熱嘅MIRROR今年有成員投身影壇,其中姜濤同阿Jer(柳應廷)主演嘅《阿媽有咗第二個》以近4100萬成為年度港片季軍,亦係多套「鏡仔」電影之中表現最佳。而另一成員Edan(呂爵安)主演嘅2套電影,《闔家辣》有3262萬排第5;Edan同剛剛贏得叱咤樂壇我最喜愛的男歌手嘅隊友Anson Lo(盧瀚霆)合演嘅《過時.過節》,上映一個多月收1202萬,亦晉身十大嘅第7位。

闔家辣

闔家辣

正義迴廊

正義迴廊

另外今年嘅港片話題作《正義迴廊》,以接近4千萬嘅成績排第4。其餘十大港片分別係劉青雲主演嘅《神探大戰》(1622萬,第6位)、《緣路山旮旯》(1066萬,第8位)、《一路瞳行》(380萬,第9位)及《深宵閃避球》(365萬,第10位)。

Paramount Pictures

外語片方面,全球大熱嘅《壯志凌雲︰獨行俠》係全年唯一破億票房之作,收1億770萬成為年度之冠。不過排第2嘅《阿凡達︰水之道》更厲害,上映18日已經有9700萬,以呢個走勢應該有力衝破上集嘅1億8600萬紀錄,劍指香港開埠最高票房嘅《復仇者聯盟4︰終局之戰》2億2188萬數字。超級英雄片仍然穩佔十大,單係Marvel嘅《奇異博士2》(6548萬,第3)、《雷神奇俠4》(4857萬,第5)及《黑豹2》(4847萬,第6)已佔3席;DC嘅《黑亞當》同《蝙蝠俠》分佔第8及第10名。而《侏羅紀世界︰統治霸權》排第4收5133萬,唯一一套合家歡片《迷你兵團2》收近3900萬排第7,《怪獸與鄧不利多的秘密》排第10。

整體收入方面,全年票房總收入有超過11億元,比前一年少大約5.4%,但由於舊年1月至4月期間戲院停業,即係大約全年3成時間係0票房,條數算係追到吓。再睇埋2022上半年總票房收入只有3.6億,即係話下半年戲院做多一倍生意!

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受