黃秋生和肥仔@ERROR加盟演出《風車草黑心喜劇Di-Dar (Comeback)》音樂劇。(娛樂組攝)
由黃秋生、梁祖堯、梁業(肥仔@ERROR)、湯駿業(AhDee)、何洛瑤(Sica)和邵美君合演的《風車草黑心喜劇Di-Dar (Comeback)》音樂劇，將於今晚(15日)於葵青劇院首演，一眾演員於下午進行總綵排。早前曾表示背歌詞很忟憎的秋生，跳唱《火熱動感La La La》，純熟又有活力十足，他謙說：「因為已經背咗好耐，見佢哋又跳又唱咁辛苦，我係音樂劇新生，所以要努力啲！」他半說笑指花了3星期背3句歌詞，至今仍然驚「有時發夢半夜醒咗，都走出露台望住月光背。」
至於舞步方面，他直言看到肥仔、Sica等施展渾身解數，不敢說辛苦，肥仔就爆秋生哥主動提出「加舞」，「佢話要轉圈就加俾佢，秋生係識少少Ballet。」肥仔和Sica笑言，在台上會暗中給秋生提示，肥仔笑指就像以前提193舞步一樣。肥仔則練到傷痕纍纍，「前幾日條頸只能扭轉少少，我發覺搞唔掂，即刻去醫一醫，點知拔罐留低好多印，要補妝遮遮，但我做鬼，條頸有啲紫紫黑黑都沒大問題。」秋生就抵死表示，「屍斑嚟，(肥仔：咁大隻？)呢啲係『大屍斑』！」肥仔表示ERROE三位兄弟將會首次一齊來捧場，不過談到保琦被傳與菊梓喬分手，他表示忙於排練，沒有留意。
梁祖堯、邵美君和湯駿業今次重演舞台劇，3人異口同聲表示比去年辛苦，阿祖表示，「歲月爭一年就真係一年，好彩我瘦過上年，負擔少咗，但年紀大咗一年，加上做《全民造星VI》，冇乜點瞓，差啲猝死。」他們指今次舞步比上次激烈，幸有肥仔幫助執舞，猶如免費上跳舞課。Sica今年再度參演此劇，但她指加了新歌、重新編舞和背歌詞，比去年更快就跳到喘氣。
秋生大讚梁祖堯廚藝超凡，「添咗8次飯，每碗都唔滿，但夾埋都食咗4碗飯，食完佢煮嘅飯，出面食咩都唔得。」對於梁祖堯考慮以龍躉飯作酬勞，秋生就鬼馬回應，「我就俾返啲龍躉飯嘅演出佢！」果然等價交換。
對於黃秋生參演，跟他演情侶的邵美君直言起初很緊張，合作後才看到他猶如3歲孩子的可愛一面，跟年輕演員玩到癲，她更獲秋生親自按摩，「佢好有愛心，係我哋隊伍嘅軍醫，有咩傷患都走嚟同我哋按摩。我有次條腰痛咗好耐，佢幫我按咗一陣，就已經鬆好多。」肥仔在入行前已曾演過台劇，他大讚今次整個團隊都非warm，我哋互相照顧，秋生真係拎支鐵打酒幫我捽腳。」黃秋生自言是「黃三歲」，只要跟他成為好友就看到其3歲一面。
ADVERTISEMENT
😋請你嘆香港迪士尼20周年下午茶👇立即登記👇
