EOS落舖任一日店長 預告寫真集有性感造型

香港女團EOS今日下午現身銅鑼灣名店坊，三位成員Hazelle、Summer、Lokyi齊為「MI MING MART」擔任一日店長，吸引不少男粉絲前來捧場。對於出任店長工作，Hazelle與Lokyi入行前都曾經在時裝店及花店打工，Hazelle自言好彩沒有遇到難搞的客人，認為服務員的工作亦很有挑戰性。

EOS即將為首本寫真集開工，她們預告會有四至五個造型，Hazelle表示更會性感上陣，以及突破底線，Lokyi透露會在近日開始拍攝，Summer則稱已積極修身，而今次新書望可以達到賣出5千本的目標，到時便會啟動炮製廣東歌機制，Summer更落足嘴頭：「我哋真係好想出廣東歌，要多多支持我哋本寫真，買嚟送畀朋友又好，自己用都好啦，希望大家可以幫我哋圓夢。」目前已開始聽Demo揀歌，而EOS的NFT持有人亦有話事權，屆時會與粉絲齊齊同共製作首支廣東歌。

談到近年香港樂壇湧現多隊女團，EOS表示都欣賞COLLAR、Lolly Talk、STRAYZ，期望日後有機會認識及合作，而Lokyi則表示唱K亦會點唱她們的歌曲，認為幾隊女團各有特色，大家會一同在樂壇努力發展。