鍾舒漫與黎美言一齊錄影網上節目。
前女子組合HotCha成員張惠雅(Regen)以獨立歌手出曲，日前在電台訪問中提到自己與黎美言（Winkie）拗撬最多，指對方的性格未必個個頂得順。此番言論觸動Winkie神經，她隨即發文炮轟Regen並揚言拒重組HotCha。
黎美言一提HotCha情緒激動。
Winkie表示Regen不是傷害她最深的一個，而是另一成員Crystal，「同佢冇乜聯絡，反而同Regen係比較好，我只係唔鍾意佢同出面講頂我唔順。」問到Crystal做了甚麼令二人交惡，她說︰「一定唔會講，依家唔係要數佢，總之到死嗰刻、入咗棺材都唔會講，喺呢個圈忍到最後嗰刻，嗰個先會贏！」問到是否被二人聯手杯葛，Winkie說︰「可以話係呢個方向，佢哋同老闆嘅合照都冇我，啲人以為我好串，但我根本唔知佢哋出去。」
她表示數年前參與一個拳賽遭到欺凌，但Regen與Crystal沒有支持她，反而落井下石，指她出拳大力，令她感到受傷害。她績指解散後3年有反省自己，認為另外兩位成員知道自己問題之後，相信便是她們大和解之時。
Hotcha在過去不少訪問承認隊友之間多爭執。