Jer在MV飾演失去記憶的男人，女友用盡方法令他回復記憶。
柳應廷(Jer)今年連推兩首作品，包括《不要活成自己討厭的模樣》及《大人之後》。今年第3擊是情歌《記憶倒行》，Jer說：「我覺得每人心目中都有有難忘片段或回憶，每人都有權利收藏回憶，偶爾重溫一段關係嘅快樂同哀愁，分柝下原因，都可以令自己成長。」《記憶倒行》講述每個人也會在心底留一個最佳位置給重要的人。
久未跟「柳柳粉」談情說愛的Jer，新歌邀得Sunny@Supper Moment作曲填詞，青山大樂隊編曲。Jer說：「由細到大都愛Sunny曲與詞，尤其係副歌對愛情嘅吶喊式咆哮，絕對係Sunny專屬風格！」
千方百計留住男友
Jer表示：「我以前失戀唔會聽苦情歌或兵歌，反而聽Band Sound，盡情對愛情吶喊，例如大叫：『你走咗我都依然喺度㗎！』所以《記憶倒行》除咗對愛情嘅吶喊，亦包含回憶嘅味道！」
Jer在MV告別以往的獨行造型，反璞歸真化身純情男生跟女主角談一場轟烈戀愛，更要挑戰連場喊戲。Jer說：「MV講述一段轟烈嘅愛情，因某些因素告終。女主角扭盡六壬『留住』男友，想跟他『重遇』，男主角終於甦醒，可惜失去記憶，好彩女主角收埋以往拍拖嘅信物，男方至慢慢勾起之前回憶，再次憶起女主角。」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
