MIRROR副隊長Anson Kong(AK, 江𤒹生)向來喜歡下廚，早前他獲樂隊Nowhere Boys隊長陳維諾(Van)邀請在其YouTube頻道「陳氏Yum」，與老婆Wendy齊齊炮製多款美食。AK與Van分別擔任各自團隊的正副隊長，一邊煮一邊分享帶領成班兄弟的心得，Van坦言：「我啲隊友都係藝術家、音樂人，甚至未出去打過其他工，對於管理自己能力麻麻，所以我會管好多嘢，仲做埋經理人，最初覺得乜都我做好辛苦，但學識唔計較之後，反而輕鬆咗。」他反問AK：「想像唔到你哋12個人點樣管理？」向來重視友情的AK回應說：「其實我哋唔係用『管理』嚟形容，12個人各有性格，盡力希望大家工作時開心啲、專注啲。Lokman(隊長楊樂文)引領大家提升效率。我著重心靈，例如覺得邊個好似有啲心事就約出嚟食吓飯，做聆聽者分擔吓！」
兩人除了喜愛煮食，還喜歡同一套動漫。
AK與Van夫婦合力炮製「摩洛哥香草焗羊架配薯蓉美食」，賣相非常吸引。
AK與Van夫婦合力炮製美食。
Van夫婦放閃鍡飲湯 安慰AK：你第時大個仔都得㗎！
其實，Van和AK更經常邀請對方到自己的頻道搞搞新煮意，最近就在合力炮製「意大利紅蝦油法國藍龍蝦包」、「法國周打蠔湯」和「摩洛哥香草焗羊架配薯蓉」等，其間，Van餵老婆飲湯放閃，AK在旁葡萄扁晒咀，Wendy安慰他說：「你第時大個仔都得㗎！」拍攝後，兩人談起從初次見面的情景，原來兩人首次見面是MIRROR成團後的首次公開演出的音樂會，第二次見面則是動漫節，後來因為共同朋友填詞人兼DJ Oscar而常見面。
Van餵老婆飲湯，旁邊的AK只能尷尬地笑。
Van讚AK勤力又乖仔。
Van讚視AK如乖細佬
Van笑說：「Oscar好鍾意叫埋成班朋友一齊食飯傾偈，最巧合係佢好多朋友都來自唔同組合，除咗我哋，仲有C AllStar、HotCha、Super Girls等。認識咗AK之後，覺得呢個後生仔好勤力好乖，雖然我唔係好老，但年紀大過佢，我同Wendy當佢係細佬，大時大節會叫埋佢一齊食飯一齊煮嘢食，最深刻我哋一齊煮大蝦帶子青口意粉畀成班朋友食，好開心！」原來「兩兄弟」有不少共同喜好，除了下廚，還愛上同一套動漫，Van說：「第一次交換電話號碼後，發現AK頭像就係我最鍾意嗰套動漫主角，係一套講夾Band嘅動漫，原來大家都夢想過自己係故事主角，亦都鍾意呢套動漫內同一首歌《Moon On The Water》。」
AK向來喜歡下廚，係好煮得的暖男。
AK與Van挑選多款貴價靚食材，笑言大時大節落重本自肥。