Ad Block Ad Block
娛樂
2023-05-17 22:00:08

MIRROR登The First Take|盧瀚霆多謝雙Jers領軍 姜濤被笑變「僵濤」(有訪問片)

分享:

MIRROR四子一齊上「THE FIRST TAKE」,唱完《Rumours》互相擊掌鼓勵。

MIRROR四子在「The First Take」(TFT)獻唱改編版《Rumours》,對於這次能在海外參與TFT這個Project柳應廷(Jer)表示最難忘的還要收接受海外傳媒訪問,他解釋道:「因為第一次有翻譯,幾難忘,但戥翻譯辛苦,佢幫我哋翻譯咗好多間傳媒,感覺成件事好隆重,因為係第一次MIRROR帶住廣東音樂衝出香港!」

 

Ad Block

姜濤因為身體不適,只好戴上口罩,不時聽到他在咳嗽。

姜濤咳住直播

他們在歌曲播出開直播分享當日錄製的感受,但姜濤因為生病只好全程戴住口罩,他稱見到預告片時,發現自己最皮膚最黑的一個。盧瀚霆(Anson Lo)稱沒想過「The First Take」真的只得First Take,並謂錄完之後,大家只重看了一次便要離開。 Jer及李駿傑(Jeremy)稱當日是他們先去錄《人類群星閃耀時》,之後再到四子合體,所以唱《Rumours》時,已經不太緊張,亦成為姜濤、Anson Lo定心丸。

姜濤爆料說:「佢哋唱完出嚟好得戚!一見到我哋就話放鬆就得,好Easy。我同阿Lo就覺得你唱完一首就話啫。」Jer即反駁表示:「唱完第一首我哋係放鬆咗心情,但都有同大家分享耳機點樣調校音色,有俾Tips大家啦!」另外,Jeremy都覺得姜濤表現可以更好,更說:「姜濤喺Rehearsal嘅時候嘅Energy好好,但一去到Studio佢就僵咗!」就連Jer都認同道:「佢真係變咗『僵』濤!」

手勢係暗號

當「The First Take」頻道播出《Rumours》之後,四子再開live,他們表示希望可以12人一齊出埠或再一齊登上「The First Take」。姜濤稱花姐當日在旁非常緊張,直言看4子拍「The First Take」時尤如看了一小時。另外,Anson Lo指前往日本前,他們四人已經在港不停練習,又夾好唱歌時用手勢作為暗號,並稱Jer及Jeremey是今次演出的軍師,尤其是Jer會設計一些音令整件事變得更好,Jeremy也提供了不少意見。

姜濤認緊張

姜濤自認在錄音過程中自己最緊張,他說:「我喺團隊裡面唱歌唔係最叻,唱歌進步空間仲好大,英文歌我又唔熟悉,因為少唱英文歌,對於英文嘅把握唔係好大,所以全程略顯生硬,同埋4個之中我係算比較容易有失誤,因為我容易搶拍,呢個係我嘅缺點,嗰時我都理唔到表情;喺一個注重聲音節目入面,自己嘅聲音拍子係準確就得喇!」

Jer與Jeremy是今次錄The First Take的軍師。

出發前不停練習

今次四子演唱的《Rumours》版本加入大量和音,跟原作偏重跳舞節拍有很大的差別,Jeremy受訪時表示:「因為今次編曲都係比較乾淨同Soft,所以當中用咗好多和音去Support件事。12個人去唱時力量好大,得我哋4個人第一次去做呢件事,就諗咗唔同嘅和音去令到件事更加豐富。TFT係好注重聲音嘅Platform,過程中練習咗好多次,坐喺度上堂時會一齊傾呢段應該點唱,點樣令到件事更加好,大家一齊去度個表演要點樣。」

 

Ad Block

狂練唱和音

Jer指練習和音是很難得的學習過程,他說:「因為MIRROR比較少唱和音,通常喺台上表演都係好大力跳舞,今次我哋特登為咗呢個Version練咗好多和音,學咗好多、唱咗好多,大家喺聲音上面都有好大嘅進步。」

至於Anson LoJeremy,他們有很多對唱部份,而Jeremy更要唱好多和音,Jeremy說:「我個腦不停要諗下一句和音點唱呢?搵返個音先。因為我都頗多和音Part要夾,所以要LoadLoad啱唔啱。」另外他與Anson Lo對唱時,二人都很有默契地作眼神交流,Anson Lo表示:「我哋每次練習時都有對望,所以錄音時都有做呢樣嘢,成件事就會好Safe咁,每做到都有暗爽咗一下。」

請接受以下私隱政策及免責聲明,以示你同意am730內之私隱政策及免責聲明。了解更多
接受