眾人都「瞓身」面對挑戰。
無綫綜藝節目《不可能任務》本周日（13日）的一集，隊長譚俊彥(Shaun)夥拍7名隊友面對4公里間歇跑，以及三項講求團隊合作的挑戰，包括合力以腰部以下部分搬動重達18公斤的水樽、輪流踩數字、及以類似「以訛傳訛」的方式合力解決智力難題，只要其中一名藝人記錯指令，即要全組受罰。
由於所有規限及指示均十分複雜，Shaun先因自己未有詳盡表達所有指令，令何泳芍一開波即犯下低級錯誤遭考官訓話，之後又因李思雅等畀錯貼士令自己犯下低級錯誤；而在最後Shaun因記漏了一點令隊員們辛苦全力完成的行動宣告失敗，慘令全組努力付諸流水，Shaun事後亦大感自責：「就係一點咁小嘅錯，令到大家都Fail咗。」
譚俊彥自責令團隊失敗。
早前，曾志偉亦親身前往探班，志偉除了大讚8位藝人超級厲害，還以自身經歷勉勵一眾後輩：「今次係咪好大考驗？人生就係要咁，我哋拍戲都係，永遠記得就係最辛苦嗰部，拍緊嗰時你會覺得呢種經歷永遠都唔好再返嚟，但嗰樣亦係你最開心嘅嘢，因為呢啲就係你人生活到幾多歲都仲可以拎出嚟講。有時唔係畀錢就搵到人訓練你，所以我覺得係好好嘅經驗。」貪玩的志偉更即場挑戰試舉25KG沙包，雖然「舉重」過程志偉略見腳步不穩，但依然不忘搞笑謂：「呢個拎番TVB，啲藝人搞唔掂，就罰佢哋舉住嚟跳，好重呀真係。」
曾志偉現身探班，並表示25KG沙包真的很重。