陳豪、譚俊彥表演的環節與傳承有關。(吳康琦攝)
TVB台慶昨日(19日)播出其中一個環節，由陳豪、譚俊彥、高海寧、張振朗帶領多位新力軍演出，大會更安排一班新力軍有鏡頭大特寫，及一人一句唱歌的機會。雖然場口頗感人，亦有勵志的感覺，但一眾新力軍開口即變「車禍」現場，全員的唱功達「災難級」。有網民指向來唱功麻麻的陳豪最醒目，索性完全唔唱，成功避過再次被人笑似「墜機」。
認同唱功係災難
譚俊彥被批唱得生硬，但比起一班新力軍還要好。事後他發文表示自己回家反思了很多，他說︰「首先多謝好多唔同嘅網民同埋觀眾朋友畀咗好多意見同埋聲音。當然啦！亦都好多人覺得大家唱得唔好好災難，你問我，我絕對認同。」他稱該部份的表演並非是唱歌表演，真正的意義是讓一班新力軍有舞台表達自己的機會。
他寫道︰「呢一part係比一班新人有機會，喺個台上感受一個屬於佢哋嘅舞台。呢一張相係我哋彩排完之後影嘅，大家都笑得好開心，係因為我可以話畀你聽呢一part嘅同事無論係演員、排舞師、監製、pa，2每一位都好投入咁，佢希望張事情做到最好！」
譚俊彥的唱功被笑似朗誦。(吳康琦攝)
唔會放棄唱Live
他表示不會因為今次演出打消唱Live的念頭，會在下次做得更好。他說︰「人生就係咁，可能我哋好投入，出到嚟個效果不似預期。不過，我都好珍惜呢一次同呢一班年輕人合作嘅機會，吸取經驗後就會檢討自己，然後下一次做得更加好。我唔會放棄唱Live，但係我會更加小心咁去選擇一首我自己可以handle得更加好嘅歌，加油！」
在該環節勉強合格的高海寧亦留言說︰「唱live本身就係一個挑戰，而且你講得好啱，呢個舞台係希望俾大家看到新一輩的努力，希望俾更多人見到演員面對的被質疑、被標籤、被打擊、內心掙扎與迷惘，但因為熱愛，我哋依然選擇堅持，選擇不放棄，依然勇敢追求心中的演員夢！」
譚俊彥貼出大家彩排的大合照。
ADVERTISEMENT
