張與辰透露將會準備新的演出予歌迷。(娛樂組攝)
《中年好聲音3》8強今日到商場出席活動，眾人為現場觀眾送上連串好歌。提到下月舉行的《中年好聲音3有你有我演唱會》，張與辰表示準備的東西比起總決賽還要多，問到屆時會唱幾多首歌，張與辰表示未知，因為個人獨唱及合唱環節，但仍在跟公司商討中。
最愛扮蜘蛛俠
他說︰「今次我可以玩下新嘢，同公司爭取玩下新嘢，因為唱歌、玩樂器大家都見過，仲有咩未玩過就同公司傾下。(會唔會cosplay？)係呀！因為自己都好鍾意，以前喺台灣每隔3個月都會玩一次，有時都會角色扮演出席活動，希望可以將自己興趣擺係個騷入面。」他表示最愛打扮蜘蛛俠，自己有3套不同蜘蛛俠的衣服，問到他會否考慮扮最愛的多啦A夢，他笑謂要諗諗。
談到cosplay的風格，他表示傾向歐美角色，特別是英雄系列。他說︰「cosplay有分兩派，日式派太揼本，歐美都已經好使錢，但好多遊戲角色都好靚，有機會都想試下。」問到會否考慮一些露肉角色，他說︰「大家都想有腹肌，但真係做唔到，唔會夾硬嚟！一來我係無時間，二來係扚唔起心肝，因為我真係好貪食！」
張與辰一提起炸雞翼便笑得好開心！(娛樂組攝)
他稱每當工作繁忙，心情不好時會靠吃東西減壓，之後也試過跟教練鍛鍊肌肉，但因為飲食要嚴格控制，非常辛苦，自己最愛吃的東西全都不能吃，最後放棄。他稱最難抗拒炸雞翼，自己昨晚工作完也忍不住買炸雞翼回家做宵夜。他稱來港最愛吃的是燒肉配鹹蛋飯和臭豆腐。他稱自己最愛到銅鑼灣搵食，呼籲粉絲可以在銅鑼灣捕獲他。