五索拍片爆前度渣男行為。
「五索」鍾睿心(Rachel)與大生銀行主席馬清鏗拍拖9年並育有4名子女，近來五索愈愛愈高調，不時大曬被馬生寵愛的甜蜜點滴。不過，原來五索都遇過「渣男」，更自嘲是「PK 磁石」，她寫道：「唔好睇我好似好硬淨，我細個都係PK磁石嚟」她更拍片分享前度的渣男行為。
五索指前度與她拍拖期間，跟另一女子去旅行。
五索分享道：「當初佢識我時，係講好多大展鴻圖嘅生意計劃，但當時佢係一個無業遊民，而我識咗佢唔夠一個月，佢就即刻問我借萬五蚊，原因唔係去創業，佢話因為想認真同我開始，但佢個ex 係咁煩住佢，因為佢爭個ex女朋友萬五蚊，想我提供萬五俾佢同個女仔撇清關係，我時覺得佢真係好認真對我，所以即刻借咗俾佢，嗰陣對於我嚟講係一個好大嘅數目。」
五索曾借錢給前度。
幾個月後，前度又話需要一個空間同班兄弟出外散心，順便搵下生意機遇，五索指前度上機後一直失聯，到返香港才打給五索表示話：「BB~ sorry 呢個旅行我係想自己一個靜落嚟，為我哋將來再打拼，容許我自私消失咗幾日！」最後，五索發現前度是跟另一個女仔去旅行，五索還一度自我反省檢討，最後清醒過來後她退出分手，並要求對方還錢，前度竟然說：「個萬五蚊係你心甘命抵俾我」之後更立即block了五索，五索極度傷心，並知道自己被騙了。
五索分享故事後，表示歡迎大家分享慘痛經歷，她會揀「最渣」的投稿讀出來一齊取暖兼警惕世人，她更回覆網民的留言表示：「我以前是渣男磁石！」、「我細個好易信人」。