Ad Block Ad Block
娛樂
2023-02-21 15:54:00

傳《聲夢傳奇3》籌備中 網民一面倒質疑:根本不夠資源捧

分享:
聲夢傳奇3

有傳正籌備製作《聲夢傳奇3》。

TVB選秀節目《聲夢傳奇》成功捧紅Gigi炎明熹及Chantel姚焯菲等人,而《聲夢傳奇2》喺去年10月落幕後,一班《聲夢2》學員都冇乜搞作,不過近日內地就有消息指TVB正在籌備《聲夢傳奇3》,結果引起唔少網民質疑及不滿,惹嚟大量負評!

After Class

After Class成員詹天文(Windy)、炎明熹(GiGi)、姚焯菲(Chantel)以及鍾柔美(Yumi)。

《聲夢2》學員曝光率低

《聲夢傳奇》第一季捧紅多位年輕學員,當中以兩大風頭蠆Gigi及Chantel最受歡迎,各自擁有唔少粉絲,而其他《聲夢1》學員亦有拍劇、出歌或獲品牌邀請擔任代言,反觀《聲夢2》學員就冇乜聲氣,只係舉行過一場畢業演唱會、冠軍Jasmine獲總監Eric Kwok郭偉亮及Hanjin陳奐仁為佢度身打造出道作品《Breath Away》,以及翻唱張國榮的《怪你過分美麗》,學員曝光率低。

炎明熹

炎明熹是《聲夢1》其中一位最受歡迎的學員。

Ad Block

網民:簽晒但無資源就係問題

近日內地傳出TVB正在籌備《聲夢傳奇3》,結果引起唔少網民質疑及不滿,留言:「别了吧,資源明顯不够分了」、「冇用,聲夢2啲人都冇咩表演機會,淨係比晒聲夢1啲人,聲夢3選嚟做咩」、「全無新意」、「見好就收,聲二比多d演出先,隔多兩三年至再辦會好d」、「當作一個平台全部唔簽約係冇所謂,簽晒但係冇資源就係問題」、「都不是為捧新人!只是藉節目搞噱頭,搵啲新面孔,然後市場取決,汰弱留強。」、「星(聲)2都冇咩曝光」、「聲一、二都等飯開還聲三」及「别啦 根本不够資源捧」等等。

姚焯菲 任暟晴

原文刊登於Yahoo娛樂LOLam730獲授權轉載

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受