阿祖大爆花姐好心軟，每次有人淘太，花姐都喊得最犀利。(歐迪栢攝)
《全民造星6》正式啟動，今日兩位導師梁祖堯和李幸倪(Gin Lee)與音樂總監徐浩和全能主持強尼現身記者會，Gin Lee和阿祖表示，自出席海選後，今次首次會見入圍參賽者，她指今屆的參賽者好乖好正能量，見到部份參賽者上台表演，感動到起雞皮，阿祖就指參賽者性格強烈，有記憶點，更大爆Gin Lee聽其中一位海選唱歌時，感動到眼濕濕。
Gin Lee睇參賽者演出時好感動。(歐迪栢攝)
《造星6》一如以往參賽者質素頗佳，年齡層面亦廣。(歐迪栢攝)。
花姐好心軟
問到花姐可有發火，Gin Lee笑言，在海選時要不撳熄花姐的火，徐浩自言亦被花姐嚇怕，但阿祖卻爆料：「花姐個衰婆把口好似惡魔，佢飾演個惡魔，佢成日喊、但佢自己係監製，唔俾啲片段出街。」
強尼指有參賽者就是為求被花姐鬧，獲益良多，「其實佢係最心軟一個，每次有人淘太，就好似靈堂咁，花姐係其中一個喊得最犀利。」
徐浩順便求婚
談到徐浩在IG出po宣布向女友曾樂彤求婚成功，他表示其實早於去年完成MIRROR巡唱後，由英國前往法國已在巴黎求婚，「既然去呢個咁浪漫嘅地方、就順便求婚，當時有拍video，當時唔知點解都幾驚，平時做show面對大家都唔會好驚，但面對佢就好緊張，通常求婚會跪低，但唔知點解，我跳起咗再跪低，講到口窒窒，但好彩未婚妻都應承咗，佢都有喊，但我驚到唔識喊。」
他表示將於12月結婚，會邀請MIRROR成員出席，但他們太忙，不會邀他們做兄弟。問到Gin Lee可感羨慕，她笑言：「總有一日我會有。」
全民造星6 99強名單
立即更新/下載AM730手機APP 體驗升級功能
