的士司機「劏客」或不按錶收費事件偶有發生，有網民早前與飲醉的朋友在中環截的士往旺角，獲的士司機表明車費一口價250元，事主企硬拒絕並強調只會跟錶繳付車費，更主動問對方「使唔使幫你起錶」，最終的士司機只得遵從。事主及後仍感氣憤，批評對方明目張膽「劏香港人」，告誡一眾網民日後遇到同類情況不用害怕，「唔好落車，夠膽就唔好做生意慢慢玩。」
▼事主貼相分享及網民留言回應▼
事主警告不起錶便報警
一名網民上周三在社交平台發帖，分享早前一次乘搭的士的經歷。事主表示，早前在中環與朋友消遣後截的士前往旺角，在登車前司機聲稱「收250(元)」，他起初以為司機見到同行乘客醉倒，因而先交代清楚清潔費水平，因此未有深究並上車。未料，對方就重覆稱去旺角要收250元，駛前數十米後更要求先行付款，「去太子係收$250，啱啱講左(咗)」，事主見狀拒絕並強調「跟錶比錢」，更警告司機若不起錶將報警處理。
事主又透露，由於自己都有駕駛的士，熟悉車內設備運作，「諗住幫佢㩒埋起錶掣」，最終的士司機決定「死死氣地㩒左(咗)起錶」，更拋下一句「你話點就點啦，你地(哋)人多勢眾」。事主憶述當日實在太疲倦所以未有再批評對方，事後回想真的想不到會有的士司機「咁×明目張膽劏×香港人」、「陀地都夠膽劏」，又提醒其他網民日後遇到同類情況毋須害怕，「唔好落車，夠膽就唔好做生意慢慢玩。」
行家分享被兜路經歷「同佢講我都係揸的士」
帖文吸引不少同樣有駕駛的士的網民留言，有留言稱試過在柴灣泊低的士後搭巴士轉的士收工，「去女拔萃轉的士返彩虹，佢諗住同我行彌敦道，最後我有(由)佢兜，兜兜下同佢講我都係揸的士，佢即刻驚左(咗)，最後落車收平廿雞」，亦有人表示曾試過在葵涌石籬被的士司機兜路，「個的士佬兜我路行下路 仲要左兜右兜，同佢講行上路又兜司機」，之後更在其落車時主動問「咁早返先返屋企，收工呀？」他只好回答剛剛泊低的士收工，「個的士佬即刻極尷尬……即刻門都閂唔切踩油走人。」
此外，有網民就認為做法可以參考，「佢開5000(元)都話得， 去到就話照錶比(畀)，畢竟錯既(嘅)又唔係乘客」，事主回應「本身係諗住咁架(㗎)。點知佢竟然叫我比(畀)左(咗)錢先」。同時有網民稱「咪就係呢d(啲)人做衰咗，又話政府唔取締白牌車搶佢生意」、「快啲投訴佢啦依家有扣分制。」
立即更新/下載AM730手機APP 體驗升級功能
