有家長不滿學校試題選用MIRROR成員相關名稱，在社交平台發帖分享。(Threads圖片／資料圖片)
學生的學習動機至關重要，不少老師都會在課堂加入貼近潮流與時事的內容，期望激發學習熱情。有家長表示，為女兒溫習期間發現有數學試題的人物角色，以「姜圖」、「瀚霆」和「安安」命名，而這些人名寫法或讀音均與男團MIRROR成員姜濤、盧瀚霆和呂爵安相同。發帖家長認為，出試題是工作的一部分，「為人師表，私生活追星絕對冇問題」、「專業少少得唔得」。
▼試題被指選用MIRROR成員相關名稱▼
網民：只係嘗試令同學有多啲興趣
據家長在社交平台張貼的試題圖片，該挑戰題內容為「姜圖的糖是安安的2倍，瀚霆的糖與安安相同，姜圖和瀚霆共有的糖是安安的多少倍？」帖文引來大批網民留言熱議，有人指「輕鬆d(啲)啦家長。幾個名啫，同埋唔覺得果個老師一定係追星，因為據我所知，其中兩個名嘅fans(支持者)係水火不容」、「其實個老師咁樣寫，都只係嘗試令同學有多啲興趣做功課，令到條題目有趣啲無咁死板啫，到底有咩問題？」
有留言就分享以往讀書時，同學有時看到自己的名字出現在試題上都感到有趣，「老師係用同學個名出題，有時見到自己個名都好得意。用明星個名，其實都冇咩問題，小朋友見到都會醒神啲。」同時有網民指出，老師到試題並無表達喜歡有關歌手與否，「無表達過鍾唔鍾意，睇唔出一定係追星嘅老師；題目係普通數學問題，用乜名唔影響題型，所以都睇唔到有幾唔專業。」不過，有網民認同內地規管追星行為，「我好鍾意大陸呢種處理方法，老師為人師表，並非明星之婊，教學生愛上自己愛嘅明星，小心冚家俾家長×」，亦有人稱「開學校名老師名，係校網搵佢張相放佢上嚟，比(畀)大家見識下」。
▼網民留言回應▼
立即更新/下載AM730手機APP 體驗升級功能
