阿Dee當時得知組員最低分的時候，到後台安慰。(IG)
《全民造星IV》今晚（25日）舉行總決賽，ERROR成員何啟華（Dee）日前寫下長文為Ariel 拉票。Ariel 在最後一輪分組比賽獲派阿Dee擔任導師，與Ariel同組的有So Ching、馬欣、Day及Kinki，最後因為她們是第二低分，馬欣及Kinki需要出局。阿Dee日前在文中大談與Ariel的相處，認為對方「好學、肯練、對自己有要求。」希望大家可以多多支持Ariel。
阿Dee寫道：「因為《全民造星IV》，我品嘗到由我出道成為 Dee@Error 以嚟，輸得最大徹大悟嘅一場比賽；雖然明白失敗乃成功之母但難免有一種付諸東流嘅感覺，不過亦因為咁，命運迫使我遇到一個跳Popping 又寫Rap嘅16歲 Sei Lang Mui! ?(簡稱 #SLM:死o靚妹）」他續說：「由排練直到表演呢段期間，我觀察到條SLM，有空間就會無啦啦對鏡練Popping，個陣時我更肯定，佢係100%發自內心地喜歡Popping，因為你由衷喜歡一樣嘢時，行動係最誠實，無得呃。」
阿Dee曾擔任Ariel 導師。(IG)
他認為《造星IV》遇到的人與事令她成長得好快，相信Ariel對表演狀態的觸覺和理解，已經超越同齡應有的水平，要短時間內進步的能力是絕對有。阿Dee更大爆Ariel 因信心不足而出現不適反應：「但剩底嘅只有「信心」問題，排練總決賽表演期間佢會因為突如其來嘅壓力同緊張而入廁所嘔’s，嘔完出嚟又一條好漢咁繼續練（SLM睇到呢度一定心諗：做咩爆我出嚟！好樣衰呀！我點見呀？）佢就係一個咁樣思考嘅SLM，佢唔會明我咁樣爆佢出嚟，其實係因為我覺得佢呢個行為好有型，作為造星過來人，呢份厭力壓落一個16歲嘅SLM身上佢能夠用嘔去抒發出嚟，已經係最理想嘅方法。」最後他呼籲各位到Ariel 的IG留言讚好打氣，代他「輕輕沖一沖走佢比賽路上所閱讀嘅負面留言遺留下來嘅輻射。」
Ariel緊張到嘔。(IG)