冲遊泰國｜胡慧冲冬蔭表妹派泳池福利圖 冬蔭家族新成員為港泰混血兒(有圖)

「泰國通」胡慧冲主持嘅J2旅遊節目《冲遊泰國》，第9輯於昨晚（6日）開播，與過往一樣搜羅泰國好玩 及好食新情報予觀眾。《冲遊泰國9》沿用上季班底，包括「叉燒姐」鄺玲玲、「冬蔭家族」成員包括冬蔭妹、冬蔭哥哥、冬蔭表妹（前名「布吉妹」）及新成員冬蔭表姐Yan，眾人將一同換上傳統泰服、化身「泰古人」遊古廟、發掘曼谷鬧市新酒店、園景餐廳、人氣貓貓咖啡店等。

▼冬蔭表妹泳池福利圖▼

首集《冲遊泰國9》中，「叉燒姐」鄺玲玲以初中學生妹造型登場，介紹一道淋上火酒後效果如同「火焰雪糕」嘅「把幾火」炸雞；而今晚，鄺玲玲就會爽歎10手按摩，被5名按摩師同時按摩雙手、雙腳及頭部，極級享受，表示嚟咗泰國10年都未試過咁誇張嘅10手按摩。

另外，被指貌似李嘉欣嘅「布吉妹」亦會正式加入「冬蔭家族」，成為冬蔭表妹，以泳裝出場，與胡慧冲於池畔酒店池邊嬉水，佢哋就介紹酒店內每間房都能直達泳池，最豪華嘅一間房有齊飯廳、客廳及廚房，一開門就可跳入泳池，每晚房租12萬泰銖（約26304港元）。「冬蔭家族」亦加入新成員冬蔭表姐Yan，港泰混血兒嘅佢相當上鏡，以文青風格介紹仙氣咖啡店。

原文刊登於 Yahoo 娛樂圈