ERROR出席昨晚的《2022年度叱咤樂壇流行榜頒獎典禮》，對於今年再度「零獎項」，四子表明在預計之內，更自嘲是「樂壇觀音」全晚陪坐。早前曾豪言有獎會裸跑的193(郭嘉駿)笑言，「就係知冇可能攞獎先咁講，食咗幾年白果，點會唔清楚。」肥仔笑言是出絕招，如果有獎就公開MIRROR裸照，但遭3位隊友勸止，他又指對冇獎不感失望，「最失望係仲要接受訪問，被鞭屍。」何啟華(阿Dee)表示，「我哋要做廣告界KOL！」保錡就建議增設「我最喜愛訪問獎」，「我講普通話嗰段訪問應該可以拎獎。」
ERROR重演新歌MV的被刪剪動作。(劉韻瑩攝)
籲404發掘新歌MV彩蛋
ERROR新歌《Never Come Back》MV上架，他們笑言是低成本製作，但呼籲404(ERROR粉絲)仔細發掘MV的彩蛋，四子更大爆被刪剪片段，即場重演，非常爆笑。