馬明指，自己從來不過問別人的感情事，就連當初羅仲謙和楊怡拍拖，在同一個劇組的他，都沒有過問。
馬國明(馬明)、岑麗香(香香)、商天娥、龔慈恩、吳岱融及李國麟等，昨日出席《BB大曬》開鏡拜神儀式。馬國明近日被指介入唐詩詠與陳思銘的戀情，甚至有傳他搞大詩詠個肚，令他大動肝火爆粗回應，馬國明直言不想與陳思銘扯上關係，並再斥唐詩詠大肚的新聞太假。
唐詩詠近日傳出與緋聞男友陳思銘分手，並傳與馬明由兄妹升級為戀人，更指馬明粗口怒罵陳思銘，他稱沒有用粗口罵人：「我唔希望自己個名，出現係人哋關係裡面，當然我唔知道佢哋咩關係，萬一幾個月之後，唐詩詠真係同嗰個男仔一齊出嚟，話係佢男朋友，到時點辦。」馬明指，自己有用短信問候唐詩詠，對方表示沒事：「緋聞笑下冇所謂，咁寫又於心何忍呢？詩詠係呢行咁多年，佢最後同邊個結婚大家一定知，冇必要一直亂寫。」提到舊愛黃心穎靜待機會復出，無意轉行，馬明表示支持：「睇公司安排，希望大家會對佢改觀，我認為唔可要因為一件事，而抹煞別人咁多年嘅努力。」
岑麗香復出拍劇掛住個仔
此劇是香香產後復出之作，她坦言說：「當初答應演出，之前曾經同屋企人開咗一個家庭會議，討論囝囝Jocob由邊個照顧，好彩屋企人好支持我。」香香指，非常掛念兒子：「屋企人會傳好多囝囝嘅視頻俾我，而且我身邊有好多working mom，我響佢哋身上得到好多鼓勵。」
太久沒拍劇的香香，自爆廣東話退步了，偏偏對白有很多成語，令她講多錯多，幸好有同事指正。