吳千語與百億男友越愛越高調 獲內地網民大讚性格好又有品味
現年29歲嘅吳千語（Karena），曾與林峯拍拖5年，分手後與「百億富三代 」施伯雄（Brian）拍拖4年，近年佢哋唔再將戀情低調處理，越愛越高調，不時公開合照放閃。吳千語嘅事業方面亦同樣得意，北上發展順利，人氣急升。
網民讚吳千語「精緻漂亮」
近日有內地網民喺社交網站以「我心目中港女就是吳千語這樣的」為題出PO，大讚吳千語係一個好港女，因為佢性格隨性自然、有自信、及大方得體。另外，該網民仲以「精緻漂亮」去形容吳千語，指佢個人品味卓越，擁有「高級感」及「鬆馳感」，又熱愛生活。
該網民指香港女仔應該要似吳千語，不過就有網民留言比較鍾意徐子淇呢一種類型：「雖然早期也是想嫁入豪門但是人家學歷也很好 比吳千語有質感多了」。
即睇吳千語靚相
原文刊登於 Yahoo娛樂LOL，am730獲授權轉載
