梁詠琪相隔5年再到紅館開演唱會，尾場請來Sammi做嘉賓。(李睿哲攝)
梁詠琪(Gigi)一連三場紅館個唱，今晚是尾場演出，邀請了鄭秀文(Sammi)擔任嘉賓。二人合唱《蕩失》之後，互相擁抱兼作狀狂咀，非常搞笑。Sammi身穿一條膠質連身裙，她指衣服特別為Gigi訂製，外型像蝴蝶，代表住Gigi在不同的時間，在不同的人生旅途上有不同的蛻變。
Gigi表示一直很欣賞Sammi做任何事都很認真，並指著對方穿了一對厚底鞋到場。Sammi聞言笑道︰「唔通我著對波鞋嚟，矮過你個女(Sofia)三個頭咩！」Gigi說︰「其實Sammi真係睇住我入行嘅同輩歌手，我入行嘅時候已經聽過你好多歌，我今日終於可以講返呢句啦！好欣賞Sammi認真，無論做任何事，拍戲、唱歌都做出二百倍努力！」Sammi亦不忘宣傳說︰「7月開演唱會，嚟睇啦！」
Sammi表示特意為Gigi訂製這一身服飾。（李睿哲攝）
手拖手合唱
Gigi表示很榮幸可以跟Sammi一齊同台演出，Sammi搞笑說︰「講呢啲！」Gigi答說︰「唔係講呢啲，講咩啫！哈哈！」而Sammi見到Gigi穿上很高的高踭鞋，於是拖著Gigi走到台邊並謂大家要互相扶持，之後二人一齊合唱《我們都是這樣長大的》，Gigi笑言很高興可以出道時遇上Sammi，大家一齊見證雙方的蛻變。