吳幸美為《健康新聞報道》再度「捐軀」。
由區永權、何沛珈、王嘉慧、吳幸美擔任主持的無綫資訊節目《健康新聞報道》一共15集，逢周一至五晚10點半播出，吳幸美會繼續化身「測試勇者」，接受各類型健康測試。
當年因拍攝《東張西望》試飲「斷片酒」人氣急升的吳幸美，在《健康新聞報道》昨晚（12日）播出第二集內，為了測試空肚食大量荔枝是否真的會引致血糖低，除預先空肚八小時，還在手臂上裝了「連續血糖監測儀」，方便測試進食荔枝後、及荔枝在身體逗留了一段時間後的血糖反應。據知，「連續血糖監測儀」望落雖無甚特別，但內裏的針長長度至少3厘米，要拮入手臂自然有一定痛楚。
掀《法證先鋒》珍貴回憶
吳幸美透露雖然監察儀針有一定長度，但其實拮入手臂時並不算痛，反而是移除時最為疼痛，幸美說：「因為如果要做呢個測試，淨係篤手指一日都要篤八次，我覺得仲恐怖，咁不如捱一吓痛嘅好過。最搞笑係，我嗰日去咗女導演嘅屋企搵佢幫我打，佢幫我打時手都震埋。其實打落去嗰吓唔算好痛，掹出嚟嗰吓先係最痛。」、「支針大概停留咗喺手臂兩日左右，而我除嗰陣可能冇特別搽啲乜，結果一掹完出嚟就係咁標血同埋有個窿。」
雖然「肉痛」，但幸美坦言完成測試後的感覺是興奮多於一切：「我今次捱咗痛，但可以為糖尿病人做到啲嘢出嚟，我覺得好有意義。至少有個人辦，幫佢哋攞到有用同貼身嘅資訊。」幸美又透露是次測試難忘程度媲美當年飲「斷片酒」，並謂：「衛生署買咗條斷片酒嘅片嚟播，我覺得好有教育意義㗎。」談到要在像真度高的停屍間及手術室進行拍攝，幸美笑言「回憶返晒嚟」，皆因她當年拍攝《法證先鋒》系列時，正是飾演歐陽震華的助手Kelly，表示：「呢個節目製作真係好認真，停屍間嘅櫃桶係可以拉出嚟。」
ADVERTISEMENT
😋請你嘆香港迪士尼20周年下午茶👇立即登記👇
