發哥親自操刀幫生果店店員影全家福。
周潤發（發哥）出名親民無架子，市民出街見到發哥搵佢selfie，仲會幫手揸機，皆因發哥鍾意攝影，點影先靚佢最清楚！
Selfie影得多，俾發哥揸機影嘅機會唔係個個有。有果欄生果店店主就喺社交平台，分享由發哥親自操刀幫生果店店員影嘅全家福。發哥當日都係全黑造型示人，仲出動私伙相機拍攝。有識貨網民見到發哥嘅相機係俗稱「哈蘇」嘅Hasselblad 907X 50C，連鏡頭至少要15萬，有人大讚發哥識貨唔追新款。店主又話發哥身型keep得好，直情第一眼唔敢認，驚認錯人！
有識貨網民見到發哥嘅相機係Hasselblad 907X 50C。
相機連鏡頭至少要15萬。
原文刊登於 Yahoo娛樂LOL，am730獲授權轉載
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
