麻利親認離巢 ，以長文剖白心聲。
現年39歲的商台DJ麻利昨日（7日）突然傳出離職消息。商台回覆傳媒查詢時則表示，雙方已達成共識，而據知，她與鄭裕玲主持的節目《口水多過浪花》會由另一名DJ傑朱頂上。事件爆出後引起網民不少揣測，有人指她「被炒魷」估計是跟麻利未有接種疫苗有關，亦有表示她與商台改變合作模式。
麻利今日凌晨時份，親認離巢消息，並於社交平台以長文剖白心聲，她寫道：「唔知點解就係有一份工，返唔返工會有人知、放假會有人知、返工時間覆到message又會俾人知點解你可以覆message，所以唔再返工又係人人都知。我諗我同每個人一樣，人生總有啲位置好想郁，但係如果冇足夠嘅動力，又係留响原地。」
她又表示早前確診，令她有大量時間去思考人生 ：「我發現，原來最昂貴嘅係內心嘅平安。」更透露2022年絕對是面對自己的一年，並會去發掘自己想點。她續指：「人生未去到要反思自己搞乜嘅位置，只係我近年經歷令我真係多咗好多嘢，多到足夠我去質問自己點解、想唔想、開唔開心。」並叫大家不要叫她加油：「我唔想加油，我想relax咋，唔係得勤力奮鬥先可取㗎。」
最後，她透露離職及貼文澄清的原因： 「做到有長期服務金牌呢件事震懾咗我好一陣子，我係變動星座，我居然响日常生活玩咁多嘢嚟呃自己我有變動，然後留响一個地方咁耐。until 呢個moment it doesn’t work anymore! 不過直到啲大粒佬都message我，我心諗咁真係要寫下，同埋希望唔會煩到公司同事們，我估已經煩咗，sorry sorry。」不少圈中好友都紛紛留言為她打氣。
