林日曦與梁祖堯首度合作演舞台劇《大反枱日》。
由「2023世界反枱大賽輸家」林日曦及「2025香港舞台劇獎劇帝」梁祖堯主演，林日曦年度癲喪喜劇——《大反枱日》，於今早公開發售，短短半小時內火速售罄，劇迷反應癲喪，一票難求！林日曦即晚宣布，將橫跨農曆新年終極加開最後15場，合共36場演出！加場門票將於今日(29日)早上9時起於 Cityline 公開發售。
「赤口」反枱場
對於公開發售半小時內極速爆滿，林日曦感到鬆一口氣：「次次都預會滯銷，次次最後都爆，都要感激啲觀眾繼續相信、繼續入場。」梁祖堯（阿祖）則笑指自己以往從未成功搶到林日曦的門票，總要托朋友費盡心機才買到，「希望觀眾朋友今次都可以祈禱，打動林日曦再加場！」不過林日曦即時澄清，是次加場已屬終極一次，不會再加：「可以加到36場，已經係我哋再三同場地爭取之後嘅結果。只希望萬一最後都買唔到飛嘅觀眾，唔好太失望。」
是次加場將會橫跨農曆新年，並於年初三演至年初六。對於新年流流反枱，阿祖幽默地指年初三是赤口，最適合「反枱」：「因為我哋係反枱嗰個，所以為求利利是是，觀眾要派利是畀我哋啊！希望我哋可以打破舞台劇嘅傳統，好似大家睇老牌歌手演唱會咁，等我哋拎個魚網出嚟同大家握手攞利是！」林日曦則貫徹暗黑作風，直言不會派利是：「我拒絕接收任何人嘅利是，已經係最大嘅溫柔⋯⋯」
ADVERTISEMENT
立即更新/下載AM730手機APP 體驗升級功能
