腦細視俞琤為師，今日出po幫手宣傳《虎毒不》。
宣揚母愛偉大的港產片《虎毒不》，女主角談善言與盧鎮業分別獲第43屆香港電影金像獎提名最佳女主角及最佳男配角，前者贏得香港電影評論學會大獎的最佳女主角。電影亦在各地電影節入圍單元等成績，但在港上映兩周的票房剛過200萬港元，成績未如理想。
電影背後的出品人是俞吳明玉，即是俞琤的已故母親。上月底，俞琤與演員到戲院謝票，讚揚母親的偉大。「當我第一次接觸《虎毒不》女主角嘅故事，就諗起家母，所以決定支持呢部電影，作為我對家母嘅致敬。」
腦細在IG分享寫給俞琤的信。
俞琤出錢出力為《虎毒不》到戲院謝票。
腦細尊師
「腦細」林日曦一直視俞琤為師，他不忍《虎毒不》票房欠佳，今日在IG為電影宣傳，寫了一封信給俞琤。「我一直等一直等，等極都等唔到你叫我幫手宣傳你嗰套《虎毒不》。唔係話我宣傳會有啲咩用，梗係冇用啦。」
腦細表示，以往完全不關俞琤事的電影，也會happy share給他，但今次竟沒有share。他不知俞琤投資了多少錢落套戲。「我估點都八百至一千萬？票房我啱啱check過，上咗兩星期過咗二百幾萬……老實以小眾題材嘅電影嚟講，票房已經唔算差。但我計一計，二百幾萬除返發行成本，可能只係收得返幾十萬，即係你要硬蝕近千萬。對你嚟講濕濕碎啦可能，不過我從旁食花生嚟講，就有少少少少少少鄧你肉痛。」
腦細表示，俞琤向亡母致敬，自己被觸動。「我完全感覺到，你確係真心俾個劇本題材觸動咗，真係純粹當送一份禮物俾你已經過世嘅媽媽……」他最後抵死說：「這信的重點是希望俞琤覺得自己太多錢，下次投資的時候要三思。然後諗起我，轉為俾晒副身家我。」
電影海報印有出品人俞吳明玉，就是俞琤的已故母親。
【立即參加】送Rollink全球最輕薄可摺疊手提行李箱🧳！
