大笪地唱不停｜《中年好聲音》落區巡唱 吳大強赤腳上陣辣㷫全場

TVB一連5集的《大笪地唱不停》將於明晚(23 日)播映。首個巡唱地點是深水埗區，演出陣容有周吉佩、李佳、羅啟豪、龍婷、顏志恒、吳大強、支嚳儀和劉智衛，嘉賓則有陳展鵬和谷婭 溦。當晚李佳打頭陣獻唱《香港香港》、《沒那麼簡單》，之後再與好拍檔羅啟豪合體獻唱《當愛已成往事》，雖然天公不造美大雨滂沱，但無減現場粉絲熱情，

周吉佩原來與深水埗甚有淵緣:「全香港去得最多嘅地方就係深水埗，我細個 做過有關買布嘅工作，日日都喺大南街、基隆街、汝州街行嚟行去，買完嘢又會去鴨寮街買電子產品，到咗今時今日我都成日去。」吉吉緊接獻唱《留給世上我 最愛的人》和《Forever Love》，之後再與陳展鵬合唱《我的快樂時代》。全晚最 High 演出，非 Bill 哥哥吳大強莫屬，摺高褲腳赤腳上陣的 Bill 哥哥幽默地搞笑謂:「我對鞋兩千幾蚊，唔可以淋濕㗎!」接着唱出《Sometimes When We Touch》和《愛情陷阱》，愈唱愈 High 的 Bill 哥哥，更忘我掉下雨傘獻唱，辣㷫全場觀眾。