造型顧問陳灝而（Janae）
由火火、吳若希同曾展望主持嘅TVB Plus節目《奇情谷》最新一集大玩爆料，請來造型顧問陳灝而（Janae）做嘉賓，分享喺娛圈工作多年嘅見聞。
同男歌手補補吓粉都喊
Janae爆嘅其中一單料，係指多年前佢嘅團隊要為一位十七、八歲嘅偶像派男歌手化妝，而Janae當時有個十七歲靚女小助手。Janae話已經同男歌手單聲「唔好打我啲女仔主意，小助手係黃花閨女嚟架」。
後來Janae發現小助手同男歌手眉來眼去，已經覺得唔對路。殊不知Janae話再過一排小助手成日都喊，同男歌手補補吓粉都喊，三位主持聽完都話「出事嘞」，Janae就指事後得知佢地「搞咗」。
奇情谷
冇做歌手外界先發現花弗
阻止唔到事情發生，Janae怪責可能係俾男歌手知道小助手係黃花閨女，「可能我講咗呢句，更加打主意」，並透露具有天份嘅小助手後來辭職，令佢感到可惜。為免再有同類事件，Janae話以後佢會安排30歲以上嘅化妝師，結咗婚生咗仔嘅優先考慮。
至於呢位男歌手係邊個？節目中Janae俾出幾個提示－出名花弗，但到佢冇做歌手外界先發現；好多女fans；而家四十幾歲。
原文刊登於 Yahoo 娛樂圈
WhatsApp騙案｜私隱署7招防中伏（am730製圖）
立即更新/下載AM730手機APP 體驗升級功能
