袁偉豪表示的確收過周嘉全送給他的畫作。
周嘉全在《女神配對計劃》向暗戀多時的李芷晴表白，及後《東張西望》再要求他告白多一次，可惜兩度獲派好人卡。由於節目中提到周嘉全曾經送畫給「Ben」，而他曾透露陳展鵬及袁偉豪幫過他不少，於是估計節目中的「Ben」是指袁偉豪。昨日他出席古天祥的作品展時，直認收過周嘉全的素描作品，但自己也不知道節目中的「Ben」是不是指自己。
袁偉豪讚周嘉全是個很好的後輩。(娛樂組攝)
袁偉豪說︰「我同佢係《法證先鋒5》認識，佢喺訓練班出嚟一段時間，合作過程大家都交流好多，去到煞科時真係送咗幅素描俾我。其實佢都幾支持我，仲寫咗啲字句鼓勵我，呢個年青人係好有心！」他指周嘉全非常愛聽音樂，又睇古文和文學的東西，自己也從對方身上學到很多。
他表示自己只是看了節目的精華片段，問到有沒有說話可以勉勵對方，他說︰「唔緊要啦！都係一個小小嘗試，當今次係學多啲技巧，第日遇到另一個心儀再全力出擊，祝佢幸福啦！」