葉蒨文與GM曾展望、林堡熙(Eddie)及林澤謙(Him)是最有話題的組合。(娛樂組攝)
《女神配對計劃》5位女神連同一眾「求愛者」齊齊現身，葉蒨文、GM曾展望、林堡熙(Eddie)與林澤謙(Him)成為焦點組合，大會要求葉蒨文抽出其中一位跟對方玩遊戲時，竟然抽出GM，令全場譁然，連她亦大禁驚訝。GM其後要將葉蒨文公主抱，Eddie即打翻埕謂︰「小心啲！」而Him則獲關嘉敏安慰。
鍾情眼細細運動型男子？
葉蒨文(Sophie)、GM及Eddie接受訪問時，Sophie貼住GM的手臂，明顯較親近。當提到同居傳聞時，GM即再次護花表示已回答，Sophie笑謂自己為澄清白，所以公開自己所住的地方。由於GM跟Eddie同樣是單眼皮、眼細細的男士，而Eddie與Him同時運動員身份，問到Sophie是否鍾情某些特徵的男子，她亦始發現GM跟Eddie的眼睛差不多，她說︰「其實我真係無理咁多佢哋條件、職業，只係聽佢哋講嘢，口齒係咪伶俐，點睇呢個世界，從佢哋講嘢去揀自己嘅隊友。」
葉蒨文跟GM比較親近，跟Eddie保持住距離。
GM未敢鬆懈
由於Sophie與GM本身已互有好感，問到Eddie會否感到輸蝕，他表示自己從節目上了解他們多了一點，「佢哋嘅感情係好深厚，大家嘅進展都有唔同，但會唔會打定輸數，其實要相處落先知！」Eddie表示自己不會因為見到Sophie及GM較親近，而影響心情，因為大家都希望可以開開心心，如果對方找到自己真正想要的東西，會替她很高興。GM就表示要看多幾個回合，而他亦不會因為獲得Sophie好感多一些，而不擔心被淘汰，他說︰「有時好感係可以突飛猛進！亦都可以突然消失！」
大讚三位男士是暖男
Sophie指因為拍攝進度差不多隔一個月左右，「私底下都有互相問候下大家，其實個拍攝時間中間隔好耐，真係有feel都變冇feel！當你想令關係昇華，又隔咗一個月，真係好耐，但就唔會話傾好耐，或者出嚟見面，希望可以將最真實個面呈現俾觀眾。」她又指三位男士都待她非常好，很會照顧人，大讚三位男士都是暖男。
Eddie獲Sophie平反人格
她更特別為Eddie護航，她說︰「其實識落佢，佢只係個樣cool啲，不羈啲，並唔係寸嘅人！」Eddie更稱見到網民指他像會落迷姦水的人，Sophie笑過不停並謂︰「好癲呀！其實佢係做運動教育，佢唔係抱住有其他諗法去同人相處！」Eddie說︰「能被Sophie留意到我嘅為人，我係由入面暖出嚟，佢都有了解下我係咪成日被人話守，其實我都慣咗，其實大家點睇我，我又冇影響你，你又唔會影響我，真係要相處下先會了解到我個人。」
GM坦言亦有了解過Eddie，在拍攝時也有跟對方交流，認為大家不要看得太表面，相處耐一些，才會知對方的為是如何，而觀眾亦可以看到他們的真實一面。
