Ad Block Ad Block
娛樂
2022-09-08 16:22:43

好聲好戲丨吳幸美聲演《智能愛人》李佳芯超水準 「一路捉老鼠一路練」

分享:
「正義女神」 ​​吳幸美

「正義女神」 ​​吳幸美原來聲演都有功架!

TVB電視聲演真人騷《好聲好戲》第二季喺上星期開始播出,結果由蘇韻姿成為首輪出線者。第二組參賽藝人喺前晚(6日)上陣,包括樊亦敏、黃嘉樂、吳幸美及黃智賢,「正義女神」 ​​吳幸美喺熱身回合聲演《棟篤神探》李慧慧(蔡少芬飾)於差館落口供嘅場口,被一致大讚神還原蔡少芬。去到噚晚(7日)最新一集,吳幸美繼續發揮出色,聲演《智能愛人》阿寶(李佳芯飾)嘅「真人/機械人」模式切換嘅場口,再一次獲得一致好評。

即睇吳幸美神演出聲演

吳幸美 吳幸美聲演李佳芯喺《智能愛人》喺後樓梯教麥美恩做戲。 吳幸美聲演李佳芯喺《智能愛人》喺後樓梯教麥美恩做戲。 吳幸美 吳幸美

吳幸美:一路捉老鼠一路練

第一回合「自選聲演」中,吳幸美揀選聲演李佳芯喺《智能愛人》喺後樓梯教麥美恩做戲,當時阿寶不停切換「真人/機械人」模式,絕對係一個高難度嘅挑戰。吳幸美成功聲演阿寶,無論喺情感、口形、表情及語氣等都做得恰到好處,結果獲得11盞綠燈,評判一致好評。文偉鴻:「首先我覺得佢贏再揀片揀得好聰明,頭先嗰段條片基本上將你所有強項發揮晒出嚟,情緒嘅拿捏處理得非常之好。」

汪明荃好奇問佢練咗幾耐,吳幸美就話:「我係咁練,真係日又練夜又練,《東張》有陣時要拍老鼠曱甴,一路捉老鼠一路練,一路掃曱甴一路練。」之後,梁少霞就笑指佢係比老鼠曱甴耽誤咗嘅配音員。

Ad Block

網民大讚吳幸美贏硬總冠軍

吳幸美除咗獲得評判一致好評之外,網民們亦紛紛留言大讚佢表現出色,例如「多材多藝!用心認真」、「好犀利!你配邊個似邊個,口形又對得勁準」、「總冠軍非你莫屬」、「幸美你真係配得好出色呀」、「​​勁,把聲又同ALI好貼近, 好到位, 幸美配音都可以令人投人到劇中. 好叻呀,主持又得,配音又得,可能拍劇都得, 全方位藝人」、「估唔到幸美配咩似咩,找出一條新出路,冠軍非她莫屬,加油!!」、「​​配音至高境界,就是聽起來不像配音,恭喜幸美做到了!」、「吳幸美神乎其技,完全係Ali !」、「好利害,完全融入Ali 零瑕疵, 唔睇幸美我直頭以為係ali本人原片」、「真心勁,頭兩句直頭分唔到。之後轉換情緒部分都掌握十分好」、「更進一步了,之前配蔡少芬神似,這一回更精彩,幸美繼續加油!」、「真係配得好好,我唔望都以為係Ali講緊野」、「神還原!!!!蔡少芬同李佳芯兩段都係,未見過咁神級!!」及「​​冇over冇under 配蔡少芬又得配阿寶又得,得左幸美好叻」等等。

吳幸美IG都有唔少靚相!

吳幸美IG 吳幸美IG 吳幸美IG 吳幸美IG
Ad Block

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受