Ad Block Ad Block
娛樂
2022-08-08 18:13:44

娛樂專訪|廖子妤捱出成績 回顧10年苦與樂

分享:
廖子妤捱出成績 回顧10年苦與樂

廖子妤捱出成績 回顧10年苦與樂

廖子妤(Fish)在21歲時從馬來西亞隻身來港,發展滿10年,今年終於憑電影《梅艷芳》中的梅愛芳奪得第40屆香港金像獎最佳女配角,不僅獲香港影迷認同,而且還工作量大增,總算是苦盡甘來。

回想10年來,Fish表示:「都好多唔開心嘅時候,可能係人逢喜事精神爽,又或者最近比較順,都會想起以前辛苦時,又會覺得,如果這是一個使我成長嘅必經路程,又make sense,都已經過去。」Fish來港時人生路不熟,經歷過很多失意的時候,她最初只接拍一些平面時裝照,收入與積蓄有限,所以當時為自己定下只留港半年,若沒有任何起色便會放棄返回家鄉,慶幸她卻成功接下第一部電影《末日派對》,正式展開其在港的演藝事業:「你冇辦法喺呢度玩,冇辦法食你鍾意嘅嘢,只可以用最窮但又最有趣嘅方法去睇香港,以前我好鍾意搭電車。」

欲離開之際 成功接拍第一部戲

Fish當年在港生活艱難,最難捱的日子曾沒有錢睇醫生,又試過只得20元食足三日,每個月支付生活費及屋租,她說:「每個月做完之後,可能賺得$5,500,當中$5,200要還公司,只剩得300蚊,錢賺得不多,又辛苦、又賺不到錢,心想是否要離開之時,卻面試成功接下第一部戲,所以成日都覺得係香港揀咗我。」重提窮到不敢求醫,Fish即不禁大嘆:「我覺得太蠢,宜家諗番,其實當時已經有Working Visa,我去公立醫院診症唔會好貴,係要排,但未到會睇唔到醫生,係蠢咗!」32歲的Fish奪下人生首個金像獎,她很感恩自己的工作未有間斷,問到得獎後最想如何獎勵自己,她笑言:「我嘅慶祝係想瞓夠兩日,但都未有呢個時間,好好彩!」

Ad Block

與黃子華合作:好多謝佢係個咁好嘅佢

在香港有苦有樂,數到開心事,除了終有回報外,Fish透露就是能夠見到自己偶像黃子華,早前還可以一同合演電影《毒舌大狀》,她說:「好彩,係冇變差,係更加鍾意,好冒險嘛,可能會太接近而冇咗個偶像,又冇喎,仲要鍾意多咗添!好好彩,好多謝佢係個咁好嘅佢。」其實,Fish在港發展犧牲了跟父母相處的時間,去年12月她為改編自馬尼拉人質事件的電影《槍口下_823人質事件》曾返馬拉,雖然亦有順道探媽咪,但當時爸爸卻去了印尼開工,大嘆已超過四年未有父女團聚。

Ad Block
廖子妤 廖子妤 廖子妤 廖子妤 廖子妤 廖子妤
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受