Ad Block Ad Block
娛樂
2022-10-27 15:24:39

季前賽|麥當勞籃神卡火速換罄 鏡粉怒斥低估MIRROR號召力 要求解僱Marketing員工

分享:

季前賽|麥當勞籃神卡火速換罄 鏡粉怒斥低估MIRROR號召力 要求解僱Marketing員工

ViuTV新劇《季前賽》由MIRROR成員姜濤、呂爵安(Edan)、陳卓賢(Ian)、邱士縉(Stanley)等主演,仲有Anson Lo(盧瀚霆)客串演出,成為鏡粉必追劇集。麥當勞藉《季前賽》開播推出全新脆雞巨無霸及雙人餐,雙人餐跟餐附送姜濤Ian限量版「藍神閃卡」,被鏡粉於兩日內搶購一空,網上掀起炒價,平均約HK$250至HK$300一套。麥當勞就閃卡作出嘅回應更辣㷫鏡粉,有鏡粉仲要求解僱麥當勞Marketing員工。

雖然麥當勞提供各分店「藍神閃卡」嘅供應情況,但唔少鏡粉都話唔係即時更新,去到分店白行一趟。「藍神閃卡」當日推出約1小時有唔少分店就火速售罄,大批鏡粉湧至麥當勞Facebook專頁表達不滿:「出得咁少不如唔好派...半日LUNCH 就無晒啲卡」、「啲貨預到勁少,擺明益炒家」、「都唔知係咪做生意,第二日就冇曬卡換」等等。唔少鏡粉留言詢問麥當勞會否補貨,麥當勞僅回覆第一週閃卡數量有限,送完即止,疑似唔再補貨,令鏡粉勁失望,表示無閃卡就唔會幫襯:「做得咁鬼小家,閃卡出得咁少,益哂d炒家。令到原本支持麥當勞的,都不再支持麥當勞了!」、「呢個禮拜可不用吃老麥了」、「有冇搞錯,咁快換曬啲卡!無卡我唔會幫襯㗎」等等。仲有鏡粉表示麥當勞係咪低估咗MIRROR嘅號召力,所以印咁少數量,指閃卡成本咁低其實可以印多啲幫助免費宣傳,認為呢次推廣極失敗,又要求即時解僱Marketing員工:「炒得!唔該即炒! 」、「點樣做marketing,次次啲咭都印得咁少,你地究竟係咪想倒自己米」。

姜濤Ian籃神閃卡

季前賽籃神卡

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受