張佳添近年憑擔任TVB節目《中年好聲音》評判而人氣急升急。
現年54歲的張佳添，近年憑擔任TVB節目《中年好聲音》評判而人氣急升急。最近《中年》休季，張佳添專注在自己的個人YouTube頻道上，曾經歷兩段婚姻的他，最近拍片教40歲以上的單身女性應如何擇偶，除指女人一定要有錢才有底氣，更建議可同一時間跟幾位心儀對象相處，當中更批梁釗峰的前度拍拖策略錯誤，言論惹起爭議。
張佳添認為年過40歲的女性，首先要有錢才能留得住一個男人，因為有錢才有底氣，他說：「呢個世界只有令到男人專一嘅女人，而冇專一男人，你嘅底氣亦係一樣令男人尊重你嘅一樣嘢，男人會feel到你係有底氣嘅人，令你搵到一個有氣質嘅男人係好重要嘅嘢。」他續指女性必須要堅定地選對應付男人的策略，並以近日捲入出軌風波的梁釗峰及前女友做例子：「我唔理佢哋誰對誰錯，就當件事係真，個女仔為咗另一半而浪費4年，係唔係可以完全怪責對方？我認為係女方策略上錯晒！」
張佳添繼續愛情專家上身，建議中年女士擇偶時必須採取「精英制」，同一時間跟幾位心儀對象相處，並以目標為本地物色男朋友：「如果成功識到A、B、C、D君，就可以車輪轉地同佢哋相處，你要精英化你嘅團隊，喺精英淘汰制入面，你先可以提高搵到唯一嗰個嘅基率。」他又指：「點解一定要揀一個？點解唔可以搵佢哋去娛樂你一個呢？做人唔好咁死固固啦。」認為雙方沒有血緣關係，全部均屬「一場交易」，有心再進一步的話，就要如見工一般訂立規矩。
網民對張佳添的言論反應兩極，有人指他的建議過火：「即係教人一腳踏幾船？」、「唔好教壞人啦」、「時代唔同，而家好多單身中女都唔想結婚生仔」，並指感情上失敗的他沒有資格教人：「What is your experience????? Bull shit 唔好教壞人呀！」不過，亦有網民大撐：「添sir意思應該係同幾個人相處啫，唔係同幾個人拍拖！」
張佳添曾經歷過兩段婚姻，在1998年與香港填詞人及作曲家黃敬佩結婚，育有一名女兒，二人於2012年離婚後，張佳添其後認識澳洲籍女友張佩詩，二人婚後在2013年再育有另一名女兒，可惜都是離婚收場。2015年張佳添曾因照顧女兒，與第二任太太發生爭執繼而襲擊對方，令對方身體多處有瘀傷，被判監14天，緩刑1年及罰款3千元。
添Sir於《中年好聲音》擔任評判，由於評語專業，因此獲愛唱歌的fans喜愛。
ADVERTISEMENT
20周年「全城撐本地消費3重大激賞」！ 即睇活動詳情！
