微辣阿晶逝世｜加蔥與阿晶曾經拍拖。
YouTube頻道微辣前經理人阿晶(Jane)昨日離世，她在社交平台提及自己飽受抑鬱及情緒病困擾，自己亦曾遭恐嚇及網絡欺凌，最後決定輕生。事件引來勁大迴響，不少網民揚言要抵制微辣，不再訂閱他們的頻道。曾與阿晶拍拖的加蔥更當其衝成網民重點狙擊對象，由於他被指迫女方墮胎，跟對方分手之後，又火速跟公司另一同事儀仔拍拖兼結婚，紛紛怒批他是賤男。
哽咽回憶分手原由
阿晶稱因為談結婚的問題，令加蔥非常辛苦，她語帶哽咽說︰「你係大壓力到不停開直播，我逼得你太辛苦，我又唔捨得放棄呢段感情，好希望你有一個藉口俾我走，嗰日行完超級市場，大家好哋哋，之後你就話……我覺得你唔係一個好想傷害我嘅人，呢番說話你應該都放係心入面好耐……之後我就好狠心走。」加蔥聽完之後，不懂如何回答，只謂沒有後悔過一齊，大家都有開心的回憶。
當阿晶再問加蔥會否追回她，他說︰「我依家係唔想拍拖，冇人知將來嘅嘢。」他亦承認對方逼婚令他感大壓力。阿晶續說自己知道當時不想說分手，只希望對方做壞人，讓他先開口，現時大家的相處模式不錯。阿晶現身另一頻道時，也有提到分手不是加蔥的錯。
儀仔被指是第三者
同年9月，加蔥承認跟公司的同事儀仔拍拖。及至2022年初，阿晶被爆為加蔥墮胎，引證了傳聞稱阿晶因為墮胎搞到出現抑鬱症。其後雙方更一度在網上隔空對質，最後雙方一同出聯合聲明，表示經過溝通後彼此都消除咗誤會，又指就算唔再係情侶，都會以朋友身份互相支持。同年9月，加蔥成功向儀仔求婚。
由於跟阿晶分手後不久，加蔥火速與儀仔拍拖，不少人指儀仔是第三者。因為阿晶的離世，一眾微辣成員被狙擊，儀仔也被網民紛紛鬧爆是第三者，加上網上流出二人曾穿同款上衣，更被形容是姊妹，令人認為儀仔搶人男友。儀仔出PO否認說︰「對面網上抹黑及誤會，我不希望再發酵大家更多猜想及誤會，所以希望在這邊作簡單清澄一下，過去我們只共事過一陣子的同事，有交談的對話也寥寥無幾，基本上也只是公事，絕非網傳所說的好朋友，甚至也不是我的上司。網傳圖片只因當日恰巧共同穿了一樣公司T-shirt被邀請一同拍攝，希望大家不要再作不實的猜測。」
加蔥與儀仔拍拖一年便宣布結婚，由於加蔥主張不婚主義，令人側目。
儀仔IG。