BabyJohn提醒大家睇戲時，小心個 Mon 會發光。(影片截圖)
Lokman、Cherry等大展舞技，提醒入場須知。
戲院停業78日，將於明日(18日)重開。為迎接牛年戲院重新開業和《狂舞派3》公映的大日子，《狂舞派3》導演黃修平聯同一眾演員包括顏卓靈、蔡瀚億、楊樂文、劉敬雯 (Lydia)、Heyo、劉皓嵐、黃莉雅(Tasha)、林悅榮 (Bobby)、李俊華 （孖八）、朱天奇（翊飛），合力炮製全新的「戲院禮儀片」，以貼地又有趣的rap唱，配合充滿朝氣活力的舞步，提醒各位電影觀眾入場睇戲須知。
「戲院禮儀歌」由《狂舞派3》演員Heyo 包辦曲詞創作，以Rap的形式表達入戲院欣賞電影的禮儀，眾演員特地抽時間齊齊排舞，貫徹「熱血狂舞」的精神。
「戲院禮儀歌」由Heyo 包辦曲詞創作，燒銀紙的一幕，戲迷必有印象。(影片截圖)
明天亦是高先電影院的開幕日，屆時在該影院看《狂舞派3》前亦會播放「戲院禮儀片」，戲院禮儀歌歌詞如下：「提一提你 唔想嘈親人地 / 可以試下閂機 唔閂都較返震機 / 其實都算 OK 同你嚟睇場戲 / 都想可以靜靜地 我只係驚你太長氣 / 麻煩小心個 Mon 小心會發光 / 使乜四圍望 the show must go on / 場內嚴禁吸煙 空氣至新鮮 / 我諗你都得 又唔使俾人罰錢 丫 / 我知個畫面幾奪目 之但係戲院範圍內 係不准攝錄 / 我哋排排坐 Keep住有好戲播 / 我冇遮到你 冇必要踢我丫 / 就準備去欣賞 為你準備嘅製作 感受一下面前嘅大銀幕」。