李駿傑Jeremy和趙增熹首次合作，兩人惺惺相惜。(娛樂組攝)
MIRROR成員李駿傑 (Jeremy)與趙增熹首度合作的兩場《Jeremy李駿傑 x 趙增熹慈善音樂會》，昨晚(3日)於麥花臣場館舉行頭場，Jeremy以重新編曲的《You First》與《九》為音樂會揭開序幕，並重新演繹多位前輩首本名曲，包括孫燕姿的《遇見》、王菲的《紅豆》、張敬軒的《騷靈情歌》和麥浚龍的《弱水三千》等，其中更有梅艷芳的《似水流年》和 張國榮的《追》。除經典金曲外，Jeremy 更唱出兩首外語歌《Ending Scene》和《Number One Girl》，為觀眾帶來滿滿的驚喜。
下周一(8日)是Jeremy30歳生日，問到會否約生日群組邱士縉Stanley、呂爵安Edan、柳應廷Jer和盧瀚霆Anson Lo飯聚時，他就表示，「未知，因為大家各自都忙緊嘢。」至於他出席大表哥多個生日會，可會特別邀請他「回禮」，他笑言，「我唔會『情勒』佢，佢應該會嚟。」然後剎那變臉：「你試吓唔嚟？」至於生日願望，他認真表示：「都30歲，希望身體健康，未來嘅路走都越嚟越順利，出多啲好歌，希望同老師都有合作。」
趙增熹驚訝：Jeremy啲歌唔止有型，仲係難
兩人談到彼此印象和首次合作的感受，趙增熹笑言在年初答應演出猶如上「賊船」，連誰是拍檔都不知，直至7月才知跟Jeremy合作，「最初我真係唔知佢係邊個，因為我只專注工作相關嘅事，當我聽佢嘅音樂，發覺同我做開的音樂好唔同，係一個挑戰，我覺得佢啲歌好有型，大家好有taste，會鍾意佢嘅歌，佢啲歌唔止有型，仲係難！無論係歌詞，隻歌點唱同編曲都困難，我係要練咗好耐琴！」Jeremy笑言見證熹老師很勤力練琴，趙增熹續讚Fans有taste，「佢真係好勤力，好尊重每一個表演、每一首歌，歌唱老師係跟著佢練習每首歌，好緊張自己表現。」Jeremy表示初知要跟熹老師合作也很緊張，「在我印象中老師好嚴肅，喺隔籬台節目見佢比較嚴厲，所以起初好驚俾老師鬧，但其實佢好nice。」
趙增熹為《阿波羅》苦練兩星期
兩人完騷後受訪，兩人繼續互笠高帽，很享受首次合趙增熹大讚Jeremy好認真對待每一首歌，Jeremy對於《You First》、《九》、《唯美本尊》和《沙門》等編曲大感驚喜。談到翻唱《似水流年》和 《追》，Jeremy直認壓力大，擔心慶幸有熹老師指導，向來嚴謹的趙增熹對Jeremy的評價甚高，「佢係一個會諗嘢嘅人，聽完我講用自己嘅方式消化。」問到可有機會合作出歌時，兩人異口同聲表示期待，趙增熹「做音樂最緊要有火花，合作之前我都好堅張，跟一位跳舞為主的歌手合作，我唔係做開呢樣嘢，到底得唔得呢？件事出嚟係好玩。」談到他彈奏《阿波羅》時緊張到爆汗，「我練咗兩個星期，(是否音樂生涯最難一次？)未算係，但要在呢個時間練完，係有啲壓力，真係每日都彈。」他認為要不斷挑戰自己才有進步，而今次另一挑戰是在台上的talk位，緊張到腦海一片空白，「我唔記得帶講稿上台，只記得頭兩part。」Jeremy補充熹老師在綵排時講得非常𣈱順，但看著對方在台上的「滴汗樣」就笑言：「好cute！」
Jeremy挑戰「企住唱」感覺如跑馬拉松
整個音樂除了《唯美本尊》和《沙門》與舞者一同跳唱之外，大部分時間都是趙增熹彈三角琴伴奏，Jeremy企定定唱歌，他在台上分享綵排時，跟導演湯駿業的話，「佢問我：『你企喺地點解光茫收縮得咁勁？』可能我都係冇自信企喺度唱歌，一跳舞就做番自己慣常做嘅嘢，就好似上身咁，我今日唱慢歌都要上身咁，希望喺未來嘅路上面，企喺度都可以吸引好多觀眾聽我唱歌。」問到今次可算是成就解鎖時，Jeremy答道：「係啊，過往兩次演唱會只有少部分企定定唱，今次差唔多由頭企到尾，冇乜離開個台，其實係另一個挑戰，好似馬拉松咁，我覺得完咗呢兩晚應該叻咗。」談到歌單，各有貢獻，其中《我真的受傷了》對Jeremy別具意義，「因為參加《造星》比賽時，喺20強進入10強時，就係唱呢首歌。」除了《追》，趙增熹亦揀選了自己監製的《花火》、《心動》，重新編曲讓Jeremy演繹。
Jeremy 李駿傑× 趙增熹 慈善演唱會歌單
1. You first（李駿傑）
2.九（李駿傑）
3. 花火（梁詠琪）
4. 心動（陳潔儀）
5. 活（李駿傑）
6. 半（李駿傑）
7. 遇見（孫燕姿）
8. 似水流年（梅艷芳）
9. 追（張國榮）
10. 我真的受傷了（張學友）
11. 紅豆（王菲）
12. 騷靈情歌（張敬軒）
13. 唯美本尊（李駿傑）
14. 沙門（陳蕾）
15. 其實寂寞（謝安琪）
16. 刺青（李駿傑）
17. 沒有你的世界（李駿傑）
18. Ending Scene (IU)
19. Number one girl (Rosé)
20. 弱水三千（麥浚龍）
21. 阿波羅（李駿傑）
22. 滿（李駿傑）
23. 不枉我們一起過（李駿傑)
24. 滿（李駿傑）
25. 不枉我們一起過（李駿傑）
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
