林家謙演唱會出現舞蹈員墮台意外。
林家謙（Terence）一連十場《White Summer》紅館演唱會於8月19日正式開鑼。近日網上流出一條影片，見到在林家謙上台前，有幾位dancer彈上舞台，但其中一位dancer身後的機關突然打開，令他轉身時卻不慎掉下去，有觀眾大叫「小心啊！」、「有冇事呀呀！」幸好該dancer很快又上回舞台。
演唱會結束後，該dancer笑住表示：「大家唔使咁擔心，頭先完全冇事，郁得走得。當時個台升上去，原先我同觀眾有少少互動，互動期間個台原地降返落去，純粹原地將我降返落去，就係咁啫，完全冇事，完全冇受傷。」
墮台的舞蹈員拍片報平安。
大會回應說「其實dancer Eric同觀眾互動太過投入，走錯咗少少位。佢剛好喺個台降落嗰陣，同步隻腳踏喺降台面，於是他就同步一齊跟個台降番落去，並無受傷，並且即時又升返上台，跳足一晚。升降台並不高，而且是人手控制，並非由機械控制，只是半個人身位高，所以任何情況發生，都可以即時控制升降上落速度，今晚(22日)的突發，下面手足已即時hold停個台，迎接每一位安全上落，所以無人受傷。其實制作組對升降台上落把關是一直非常嚴謹，多謝大家關心，我們會繼續努力加油。」
立即更新/下載AM730手機APP 體驗升級功能
