林峯內地真人騷為換取食藏香豬機會 棄靚仔形象執豬屎

林峯近年積極於內地發展，去年參加內地綜藝節目《披荊斬棘2》而掀起熱話，亦令佢成功得到更多參與綜藝節目嘅機會。日前，林峯於真人騷《追星星的人3》懶理靚仔形象執豬屎，被大讚專業。

節目中，林峯與吳奇隆、毛曉彤等人到西藏探訪養藏香豬嘅一戶人，對方炮製咗一隻燒豬，但就要林峯等人幫忙執拾豬屎先可以換取1,500元人民幣嘅半隻藏香豬，當時女戶主同佢哋講1斤豬糞僅可換取3元人民幣，即時嚇親佢哋；幸好，佢哋只係撿咗一袋豬屎女戶主就收貨，之後成班人就切燒豬開餐。

容祖兒食豬糧仲舔晒脷

其實，內地綜藝節目大玩重口味已非新鮮事，不少香港藝人亦曾挑戰重口味任務，也曾試過食用重口味食物。例如，葉璇2015年拍攝《今天吃甚麼》被迫吃下竹蟲、蟋蟀，更即場嘔咗出嚟；謝天華亦試過參與內地真人騷《跟著貝爾去冒險》，挑戰食蟲、牛睪丸、飲尿等，雖然節目字幕註明尿液經高溫消毒及加水處理，但仍然可見謝天華搏到盡。然而，天后容祖兒亦不例外，去年參加綜藝節目《牧野家族》就為咗照顧小豬而嘗試小豬嘅專屬早餐。不過，容祖兒食完一整盤豬糧後，笑指無咩味，同麥片差唔多。

原文刊登於 Yahoo 娛樂圈